ലോകത്ത് ഏറ്റവു കൂടുതൽ ഇലക്ട്രിക് വാഹനങ്ങൾ ഉപയോ​ഗിക്കുന്നത് എവിടെയെന്നറിയാമോ? അതിൽ ഇന്ത്യയുടെ സ്ഥാനം ഇവിടെയാണ്

ലോകം പെട്രോൾ ഡീസൽ വാഹനങ്ങ​ളിൽ നിന്നും മാറി ഇലക്ട്രിക് വാഹനങ്ങളിലേക്കാണ് നീങ്ങിക്കൊണ്ടിരിക്കുന്നത്. മലിനീകരണം കുറവുള്ളതും വാങ്ങിയതിൽ പിന്നെയുള്ള ചെലവുകളും താരതമ്യേന കുറവായതാണ് ഇലക്ട്രിക് വാഹനങ്ങളിലേക്ക് ലോകം തിരിയാൻ കാരണം. പല രാജ്യങ്ങളിലും ഇലക്ട്രിക് വാഹനഹങ്ങൾക്ക് ​ഗവൺമെൻ്റുകൾ പ്രത്യേക പരി​ഗണനയും നൽകുന്നുണ്ട്. ലോകത്ത് ഏറ്റവും കൂടുതൽ ഇ വി വാഹനങ്ങൾ ഉപയോ​ഗിക്കുന്ന രാജ്യങ്ങളിൽ ആദ്യത്തെ നാലെണ്ണം ഇവയാണ്.

ഏറ്റവും കൂടുതൽ ഇലക്ട്രിക്ക് വാഹനങ്ങൾ ഉപയോ​ഗിക്കുന്നതിൽ ഒന്നാമതുള്ള രാജ്യം ചൈനയാണ്. എല്ലാ സംവിധാനങ്ങളും ആദ്യം എത്തുന്നതും മലിനീകരണത്തിന് എതിരെ കൃത്യമായ നിലപാടെടുക്കുന്നതുമായ ​രാജ്യമാണ് ചൈന. ഓരോ വർഷവും 6–7 ദശലക്ഷം പുതിയ ഇലക്ട്രിക് കാറുകളാണ് ചൈനയിൽ വിൽപ്പന നടത്തുന്നത്. ഇതിൽ രണ്ടാമത് നിൽക്കുന്നത് അമേരിക്കയാണ്. ഏകദേശം 1–1.5 ദശലക്ഷം ഇലക്ട്രിക് വാഹനങ്ങളാണ് ഇവിടെ വിൽക്കുന്നത്. കാലിഫോർണിയയിൽ ആണ് പ്രധാന ഇ വി വിപണി.

Also read: ഇലക്ട്രിക് വാഹനം ഉപയോഗിക്കുന്നവരാണോ? ഇത് ശ്രദ്ധിച്ചില്ലെങ്കിൽ നഷ്ടങ്ങളുണ്ടാകും

യൂറോപ്യൻ രാജ്യങ്ങളിലും പ്രധാനമായി വിറ്റഴിക്കുന്നത് ഇലക്ട്രിക് വാഹനങ്ങളാണ് നോർവെയിലെ ഓട്ടോ മാർക്കറ്റിന്റെ ഏകദേശം 80% ഇലക്ട്രിക് വാഹനങ്ങളാണ്.ഇന്ത്യയിൽ ആകെ വിപണിയുടെ രണ്ട് ശതമാനം വരെ മാത്രമാണ് ഇലക്ട്രിക് വാഹനങ്ങൾ വിൽക്കുന്നത്. അതിൽ തന്നെ ഇലക്ട്രിക് സ്കൂട്ടറുകളാണ് കൂടുതലും നിരത്തുകളിൽ ഉള്ളത്. അതേ സമയം ഇന്ത്യയിൽ ഇലക്ട്രിക് കാറുകളുടെ വിൽപ്പന ഇപ്പോഴും കുറവാണെന്നാണ് കണക്കുകൾ സൂചിപ്പിക്കുന്നത്.