സൗദി അറേബ്യയിൽ എത്തിയ ഉടനെ ഡ്രൈവ് ചെയ്യാൻ ആഗ്രഹിക്കുന്ന ആളാണോ നിങ്ങൾ? എങ്കിൽ ആദ്യം അറിയേണ്ടത് നിങ്ങളുടെ കൈവശമുള്ള വിദേശ ലൈസൻസ് മാറ്റിയെടുക്കാൻ കഴിയുമോ അതല്ലായെങ്കിൽ ഇതിനായി പുതിയ ലൈസൻസ് എടുക്കണോ എന്നതാണ് .
നിങ്ങൾക്ക് സാധുവായ ഒരു ഇന്റർനാഷണൽ അല്ലെങ്കിൽ വിദേശ ഡ്രൈവിംഗ് ലൈസൻസ് ഉണ്ടെങ്കിൽ, സൗദിയിൽ എത്തിയ തീയതി മുതൽ ഒരു വർഷം വരെയോ അല്ലെങ്കിൽ ലൈസൻസിൻ്റെ കാലാവധി കഴിയുന്നത് വരെയോ (ഏതാണോ ആദ്യം വരുന്നത് അത്) നിങ്ങൾക്ക് വാഹനം ഓടിക്കാം. ഈ കാലയളവിന് ശേഷം നിങ്ങൾ ഒരു താമസക്കാരനായി (Resident) മാറുകയാണെങ്കിൽ, നിർബന്ധമായും സൗദി ഡ്രൈവിംഗ് ലൈസൻസ് എടുക്കേണ്ടതുണ്ട്.
ALSO READ : ഗ്രീൻ സിഗ്നൽ ആയാൽ സീബ്രാ ക്രോസ്സിൽ ആൾ ഉണ്ടെങ്കിൽ എന്ത് ചെയ്യണം? വണ്ടി മുന്നോട്ട് എടുത്താൽ ഫൈനോ?
ഇന്ത്യയിൽ നിന്നോ യൂറോപ്പിൽ നിന്നോ മറ്റേതെങ്കിലും രാജ്യത്ത് നിന്നോ ഉള്ള ആളാണെങ്കിൽ അവർക്ക് അവരുടെ നാട്ടിലെ ലൈസൻസ് ഉപയോഗിച്ച് ഒരു വർഷം വരെ സൗദിയിൽ വണ്ടി ഓടിക്കാം. എന്നാൽ ഒറിജിനൽ ലൈസൻസിനൊപ്പം ഇന്റർനാഷണൽ ഡ്രൈവിംഗ് പെർമിറ്റും (IDP) നിർബന്ധമായും കൈവശം വെക്കണം. വിദേശ ലൈസൻസ് ഉപയോഗിച്ച് വണ്ടി ഓടിക്കുമ്പോൾ നിയമപരമായി IDP നിർബന്ധമാണ്. ഇത് നിങ്ങളുടെ ഒറിജിനൽ ലൈസൻസിന്റെ ഔദ്യോഗിക വിവർത്തനമായി (official translation) ആണ് കണക്കാക്കപ്പെടുന്നത്.
ലൈസൻസ് നേരിട്ട് മാറ്റിയെടുക്കാൻ യോഗ്യതയുള്ളവർ ആരെല്ലാം?
48 രാജ്യങ്ങളിൽ നിന്നുള്ള പൗരന്മാർക്ക് അവരുടെ സാധുവായ വിദേശ ഡ്രൈവിംഗ് ലൈസൻസ് ഡ്രൈവിംഗ് ടെസ്റ്റ് ഇല്ലാതെ സൗദി ലൈസൻസായി മാറ്റാൻ കഴിയുമെന്ന് സൗദി ജനറൽ ഡയറക്ടറേറ്റ് ഓഫ് ട്രാഫിക് (General Directorate of Traffic) സ്ഥിരീകരിച്ചു. ഈ രാജ്യങ്ങളിലെ പൗരന്മാർ അബ്ഷർ (Absher) പ്ലാറ്റ്ഫോം വഴി അപ്പോയിൻ്റ്മെൻ്റ് ബുക്ക് ചെയ്യുകയും, വിദേശ ലൈസൻസ് (അറബിയിലോ ഇംഗ്ലീഷിലോ അല്ലെങ്കിൽ തർജ്ജമ ചെയ്തതോ), ആവശ്യമായ ഫീസ് എന്നിവ അടക്കുകയും ചെയ്താൽ സൗദി ലൈസൻസ് ലഭിക്കും.
ALSO READ : എല്ലാ ലിഫ്റ്റും സേഫ് അല്ല; അപരിചിതരോട് ലിഫ്റ്റ് ചോദിക്കുന്നത്തിൽ മുന്നറിയിപ്പ് നൽകി കേരള പൊലീസ്
ഈ 48 രാജ്യങ്ങളുടെ പട്ടികയിൽ ഇല്ലാത്ത രാജ്യങ്ങളിലെ (ഉദാഹരണത്തിന് ഇന്ത്യ, പാകിസ്ഥാൻ, ഫിലിപ്പീൻസ് മുതലായവ) പൗരന്മാർക്ക്. നേരിട്ടുള്ള കൺവേർഷൻ ലഭ്യമല്ല. അതിനാൽ തന്നെ ആദ്യം തന്നെ അവർ ഒരു ഡ്രൈവിംഗ് അസസ്മെൻ്റ് (കഴിവ് വിലയിരുത്തൽ) നടത്തേണ്ടതുണ്ട്.ഇതിനായി ഡല്ല ഡ്രൈവിംഗ് സ്കൂൾ പോലുള്ള ഒരു സ്ഥാപനത്തിൽ അപ്പോയിൻ്റ്മെൻ്റ് ബുക്ക് ചെയ്യാവുന്നതാണ്.
അവിടെ നിന്നും കഴിവ് വിലയിരുത്തുന്നതിനായി ഒരു ഡ്രൈവിംഗ് ടെസ്റ്റ് എടുക്കണം. ടെസ്റ്റ് പാസായാൽ ലൈസൻസ് ലഭിക്കും. ടെസ്റ്റിൽ പരാജയപ്പെടുകയാണെങ്കിൽ അല്ലെങ്കിൽ നിങ്ങൾ തുടക്കക്കാരനാണെങ്കിൽ ടെസ്റ്റ് വീണ്ടും എഴുതുന്നതിന് മുൻപ് നിശ്ചിത എണ്ണം മണിക്കൂർ ഡ്രൈവിംഗ് പരിശീലനം പൂർത്തിയായ്ക്കേണ്ടതായി വരും.
ALSO READ : മോഡൽ Y-ക്ക് തണുത്ത പ്രതികരണം; ഇന്ത്യന് വിപണിയില് തിളങ്ങാതെ ടെസ്ല
ലൈസൻസ് മാറ്റിയെടുക്കാൻ (കൺവേർഷൻ) ആവശ്യമായ പൊതുവായ രേഖകൾ
ഒറിജിനൽ വിദേശ ഡ്രൈവിംഗ് ലൈസൻസ്.
ലൈസൻസിൻ്റെ ഔദ്യോഗിക പരിഭാഷ (ഇംഗ്ലീഷിലോ അറബിയിലോ അല്ലെങ്കിൽ പരിഭാഷപ്പെടുത്തിയത്).
സാധുവായ ഇഖാമ (താമസാനുമതി).
അംഗീകൃത കേന്ദ്രത്തിൽ നിന്നുള്ള മെഡിക്കൽ റിപ്പോർട്ട് (ഇഫാദ).
സദാദ്/അബ്ഷർ വഴി ലൈസൻസ് ഫീസ് അടച്ചതിൻ്റെ രേഖ.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
