അഖിലേന്ത്യാ ബാങ്ക് പെന്ഷനേഴ്സ് ആന്ഡ് റിട്ടയേര്ഡ് കോണ്ഫെഡറേഷന് ഏറ്റുമാനൂര് ടൗണ് കമ്മിറ്റിയുടെ ഉദ്ഘാടനവും ഭാരവാഹികളുടെ തെരഞ്ഞെടുപ്പും നടന്നു. വെട്ടിമുക്കട് അർച്ചന വിമൺസ് സെന്ററിൽ നടന്ന യോഗം വൈസ് പ്രസിഡന്റും എഐബിപിഎർസിയുടെ സെക്രട്ടറിയുമായ പി ബി തോമസ് ഉദ്ഘാടനം ചെയ്തു. ചെയർമാനും സ്റ്റേറ്റ് കമ്മിറ്റി അംഗവുമായ ടോം തോമസാണ് യോഗത്തിന് അധ്യക്ഷത വഹിച്ചത്. എഐബിപിഎർസിയുടെ കോട്ടയം ജില്ലാ കമ്മിറ്റി അംഗം അഡ്വ. ജോസഫ് മത്തായി സെക്രട്ടറി ബി ശ്രീകുമാർ എന്നിവർ സംസാരിച്ചു.
1986 മുതൽ വിരമിച്ച ബാങ്ക് ജീവനക്കാരുടെ പെൻഷൻ പരിഷ്കരിക്കാത്തതിലുള്ള പ്രതിഷേധം യോഗത്തിൽ ഉയർന്നു വന്നു. കേന്ദ്ര സർക്കാരും ഐബിഎയും ഈ വിഷയത്തിൽ അടിയന്തിരമായി ഇടപെടണമെന്ന് യോഗം ആവശ്യപ്പെട്ടു. ബാങ്ക് പെൻഷൻകാർക്ക് താങ്ങാനാവുന്ന രീതിയിലുള്ള മെഡിക്കൽ ഇൻഷുറൻസ് പദ്ധതികൾ നടപ്പിലാക്കണമെന്ന ആവശ്യം ഉന്നയിച്ചു.ഏറ്റുമാനൂർ മേഖലയിലെ വിരമിച്ച എല്ലാ ബാങ്ക് ജീവനക്കാരെയും ഒരു കുടക്കീഴിൽ കൊണ്ടുവരുന്നതിനും അവരുടെ അവകാശങ്ങൾക്കായി പോരാടുന്നതിനും പുതിയ കമ്മിറ്റി തീരുമാനിച്ചു.
പി.ബി. തോമസ് ഉദ്ഘാടനം ചെയ്ത ഈ യോഗത്തിൽ ബാങ്ക് പെൻഷൻകാർ നേരിടുന്ന വിവിധ നിയമപരമായ പ്രശ്നങ്ങളെക്കുറിച്ച് അഡ്വ. ജോസഫ് മത്തായി വിശദീകരിച്ചു. ഏറ്റുമാനൂർ പരിസരത്തുള്ള ഒട്ടനവധി മുൻ ബാങ്ക് ജീവനക്കാർ ഈ യോഗത്തിൽ പങ്കെടുത്തു.
ഏറ്റുമാനൂർ ടൗൺ കമ്മിറ്റി രൂപീകരണ യോഗത്തിൽ തിരഞ്ഞെടുക്കപ്പെട്ട സെബാസ്റ്റ്യൻ ജോസഫിനെ പ്രസിഡന്റായും, ബാബു തോമസിനെ സെക്രട്ടറിയായും വി.എം. കുര്യാക്കോസിനെ ട്രഷററായും തെരഞ്ഞെടുത്തു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
