ഇന്ത്യൻ സൂപ്പർ ലീഗിൽ ബെംഗളൂരു എഫ് സിക്ക് സെമി പ്രവേശനം. എതിരില്ലാത്ത 5 ഗോളുകൾക്ക് മുംബൈ സിറ്റിയെ തോൽപ്പിച്ചാണ് ബെംഗളൂരു എഫ് സിയുടെ സെമി പ്രവേശനം. ഗോവയാണ് സെമിയിൽ ബെംഗളൂരുവിന്റെ എതിരാളികൾ.
പ്ലേ ഓഫ് പോരാട്ടത്തിൽ സമ്പൂർണ ആധിപത്യമാണ് ബെംഗളൂരു പുലർത്തിയത്. 9-ാം മിനിറ്റിൽ തന്നെ എതിരാളികളുടെ വലകുലുക്കിയ ബംഗളൂരു ആദ്യ പകുതിയിൽ തന്നെ രണ്ട് ഗോളുകൾ നേടി. സുരേഷ് ആണ് ആദ്യ ഗോൾ സ്വന്തമാക്കിയത്. 42-ാം മിനിറ്റിൽ വില്യംസിനെ വീഴ്ത്തിയതിന് കിട്ടിയ പെനാൽറ്റി മെൻഡിസ് ലക്ഷ്യത്തിലെത്തിക്കുകയായിരുന്നു.
ആദ്യ പകുതിയിലെ ആധിപത്യം തന്നെ രണ്ടാം പകുതിയിലും ബെംഗളൂരു നിലനിർത്തി. മെൻഡിസ് 62-ാം മിനിറ്റിൽ തന്റെ രണ്ടാം ഗോൾ കൂടു സ്വന്തമാക്കിയപ്പോൾ ബെംഗളൂരുവിന് മത്സരത്തിൽ മൂന്ന് ഗോൾ ആധിപത്യം നേടി.
സുനിൽ ഛേത്രി 72-ാം മിനിറ്റിലും പിന്നാലെ പെരേര ഡിയസ് 83-ാം മിനിറ്റിലും സ്കോർ ചെയ്തതോടെ ബെംഗളൂരുവിന്റെ സെമി പ്രവേശനം പൂർത്തിയായി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
