ലാഹോറിലെ വാള്‍ട്ടണ്‍ വിമാനത്താവളത്തിന് സമീപം സ്ഫോടനം നടന്നതായി റിപ്പോര്‍ട്ട്. ഗോപാല്‍നഗര്‍, നസീറാബാദ് പ്രദേശങ്ങളില്‍ ഒന്നിലധികം സ്‌ഫോടനങ്ങള്‍ നടന്നതായും റിപ്പോര്‍ട്ടുണ്ട്. ഡ്രോൺ ഉപയോഗിച്ചായിരുന്നു ആക്രമണമെന്നാണ് റിപ്പോർട്ട്. സൈറൺ മുഴങ്ങിയതോടെ ആളുകൾ ഭയചകിതരായി വീട് വിട്ടിറങ്ങുകയും തുടർന്ന് സ്ഫോടനത്തിന്റെ ശബ്ദം കേൾക്കുകയുമായിരുന്നു.
Read Also: ‘ഇനി യുദ്ധത്തിലേക്ക്’; ഭീഷണി മു‍ഴക്കി പാക് പ്രതിരോധ മന്ത്രി
വിമാനത്താവളത്തിൽ നിന്ന് പുക ഉയരുന്ന ദൃശ്യങ്ങൾ പുറത്തുവന്നു. പോഷ് ബിസിനസ് പ്രദേശവും ആർമി കൻ്റോൺമെൻ്റും സ്ഫോടനങ്ങളുണ്ടായതിന്റെ തൊട്ടടുത്താണ്. അഞ്ച്- ആറ് അടിയുള്ള ഡ്രോൺ ഉപയോഗിച്ചാണ് സ്ഫോടനം എന്നാണ് പൊലീസ് പറയുന്നത്. ഡ്രോണുകൾ വെടിവെച്ചിട്ടതായും റിപ്പോർട്ടുണ്ട്. ആളുകൾക്കോ വസ്തുവകകൾക്കോ നാശനഷ്ടമുണ്ടായതായി റിപ്പോർട്ടില്ല.
പാകിസ്ഥാനിലെ ഭീകര കേന്ദ്രങ്ങൾ ലക്ഷ്യമിട്ട് ഓപ്പറേഷൻ സിന്ദൂർ നടത്തിയതിന്റെ പിറ്റേന്നാണ് ഈ സ്ഫോടനങ്ങൾ. ബലൂചിസ്ഥാൻ ലിബറേഷൻ ആർമിയാണ് സ്ഫോടനത്തിന് പിന്നിലെന്നാണ് സംശയം.
Something hit Naval college besides #Askari 5. Sirens are #lahore
— Muhammad Asif (Parody) (@MuhammadAsif26_) May 8, 2025
One 1x Drone intercept in #Walton road.#IndiaPakistanWar#Pakistan#PakistanZindabadpic.twitter.com/XN8HkYsi4S
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
