ദക്ഷിണ മുംബൈയിലെ പ്രമുഖ മാധ്യമ കൂട്ടായ്മയായ മുംബൈ പ്രസ് ക്ലബിന് നേരെ ബോംബ് ഭീഷണി. വെള്ളിയാഴ്ച രാത്രിയോടെയാണ് ക്ലബ് അധികൃതർക്ക് ഭീഷണി സന്ദേശം ലഭിച്ചത്. കെട്ടിടത്തിനുള്ളിൽ ‘ഗ്യാസ് ബോംബുകൾ’ സ്ഥാപിച്ചിട്ടുണ്ടെന്നും അവ ഉച്ചയ്ക്ക് ഒരു മണിയോടെ പൊട്ടിത്തെറിക്കുമെന്നുമായിരുന്നു ഇ-മെയിൽ സന്ദേശത്തിന്റെ ഉള്ളടക്കം.
ഭീഷണി സന്ദേശം ലഭിച്ചയുടൻ തന്നെ അധികൃതർ പൊലീസിനെ വിവരമറിയിച്ചു. മുംബൈ പൊലീസും ബോംബ് ഡിറ്റക്ഷൻ ആൻഡ് ഡിസ്പോസൽ സ്ക്വാഡും സ്ഥലത്തെത്തി കെട്ടിടത്തിൽ വിശദമായ പരിശോധന നടത്തി. മണിക്കൂറുകൾ നീണ്ട പരിശോധനയിൽ സംശയാസ്പദമായ യാതൊന്നും കണ്ടെത്താനായില്ല. ഇതൊരു വ്യാജ സന്ദേശമാണെന്ന് പ്രാഥമിക നിഗമനത്തിലെത്തിയെങ്കിലും സുരക്ഷാ ഏജൻസികൾ ജാഗ്രത തുടരുകയാണ്.
Also read : “വിവാഹം കഴിക്കുന്നത് വേലക്കാരിയെയല്ല, ജീവിതപങ്കാളിയെ!”; വീട്ടുജോലിയിൽ പുരുഷനും പങ്കു വേണമെന്ന് സുപ്രീംകോടതി
ഭീഷണി സന്ദേശം വന്ന ഇ-മെയിൽ വിലാസത്തിന്റെ ഉറവിടം കണ്ടെത്താൻ പൊലീസ് അന്വേഷണം ആരംഭിച്ചിട്ടുണ്ട്. ഐപി അഡ്രസ് കേന്ദ്രീകരിച്ചാണ് നിലവിൽ അന്വേഷണം പുരോഗമിക്കുന്നത്. മാധ്യമപ്രവർത്തകരുടെ പ്രധാന കേന്ദ്രമായ പ്രസ് ക്ലബിന് നേരെ ഇത്തരമൊരു ഭീഷണി ഉണ്ടായത് ഗൗരവത്തോടെയാണ് അധികൃതർ കാണുന്നത്.
മുംബൈയിലെ വിവിധയിടങ്ങളിൽ അടുത്ത കാലത്തായി ഇത്തരത്തിലുള്ള വ്യാജ ബോംബ് ഭീഷണികൾ വർദ്ധിച്ചു വരുന്നത് പൊലീസിനെ കുറച്ചൊന്നുമല്ല വലയ്ക്കുന്നത്. സംഭവത്തിൽ കൂടുതൽ വിവരങ്ങൾക്കായി പൊലീസ് കാത്തിരിക്കുകയാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
