തൃശൂരിൽ സി.പി.ഐ.എം പാർട്ടി ഒാഫീസിനു നേരെ ബോംബ് ആക്രമണം. നടത്തറ ഈസ്റ്റ് ലോക്കല് കമ്മിറ്റിക്ക് കീഴിലുള്ള ചേരുംകുഴി ബ്രാഞ്ച് ഓഫീസിന് നേരെയാണ് രണ്ടുപേര് പെട്രോള് ബോംബ് എറിഞ്ഞത്. വെള്ളിയാഴ്ച രാത്രി 10. 30 ഓടെയായിരുന്നു സംഭവം.
ബൈക്കിലെത്തിയ രണ്ടുപേര് ബോംബ് എറിയുകയായിരുന്നു. പ്രദേശത്തെ കഞ്ചാവ് ലഹരി മാഫിയ സംഘമാണ് അക്രമത്തിന് പിന്നിലെന്നാണ് സൂചന. ഓഫീസിന് മുന്നിലുണ്ടായിരുന്ന നേതാക്കളുടെ ഫോട്ടോയിലാണ് ബോംബ് പതിച്ചത്. സംഭവത്തിൽ ഒല്ലുര് പോലീസ് അന്വേഷണം ആരംഭിച്ചു. ദൃക്സാക്ഷികളിൽനിന്ന് പൊലീസ് മൊഴി ശേഖരിക്കുകയാണ്. പ്രതികൾ വൈകാതെ പിടിയിലാകുമെന്നാണ് സൂചന.
നിയമസഭാ തെരഞ്ഞെടുപ്പ് ഫലം പുറത്തുവന്നതിനു പിന്നാലെ സി.പി.ഐ.എമ്മിനെതിരായ ആക്രമണങ്ങൾ വർധിച്ചുവരികയാണ്. സംസ്ഥാനത്തിന്റെ പലഭാഗങ്ങളിലും ആക്രമസംഭവങ്ങൾ റിപ്പോർട്ട് ചെയ്തിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
