ഭ്രൂണശാസ്ത്രജ്ഞൻ ഇയാൻ വിൽമുട്ട് അന്തരിച്ചു

ബ്രിട്ടീഷ് ഭ്രൂണശാസ്ത്രജ്ഞൻ ഇയാൻ വിൽമുട്ട്(79) അന്തരിച്ചു. ക്ളോണിങ്ങിലൂടെ ലോകത്താദ്യമായി സസ്തനിയെ സൃഷ്ടിച്ച സംഘത്തിന് നേതൃത്വം കൊടുത്ത ബ്രിട്ടീഷ് ഭ്രൂണ ശാസ്ത്രജ്ഞനാണ് ഇയാൻ. എഡിൻബർഗ് സർവകലാശാലയാണ് ഇയാന്റെ മരണ വിവരം പുറത്ത് വിട്ടത്.

also read:തൃശൂർ ചൊവ്വൂരിൽ പോലീസുകാരനെ വെട്ടിയ പ്രതികൾ പിടിയിൽ

ഡോളി എന്ന ചെമ്മരിയാടിന് ജന്മം നൽകുന്നത് 1996 ൽ ഇയാന്റെ നേതൃത്വത്തിലുള്ള സംഘം ക്ലോണിങ്ങിലൂടെ സ്കോട്ട്‌ലൻഡിലെ റോസ്‍ലിൻ ഇൻസ്റ്റിറ്റ്യൂട്ട് ഫോർ ആനിമൽ ബയോസയൻസിൽ വച്ചാണ് . ഇതിനായി ആറുവയസ്സുള്ള ചെമ്മരിയാടിൽനിന്നും ഭ്രൂണകോശങ്ങളെ വേർപെടുത്തുകയും അതേ കോശത്തെതന്നെ മറ്റൊരു ചെമ്മരിയാടിന്റെ ബീജസങ്കലനം നടക്കാത്ത അണ്ഡവുമായി സംയോജിപ്പിക്കുകയും ചെയ്തു. ഇത് 400 തവണ ആവർത്തിച്ചെങ്കിലും ഒരു ഭ്രൂണംമാത്രമേ അതിജീവിച്ചുള്ളൂ.

also read:മരുന്ന് വിമാനമാർഗ്ഗം എത്തിക്കും; നിപയെ നേരിടാൻ കേരളം സജ്ജം: മന്ത്രി വീണ ജോർജ്

സ്വാഭാവിക പ്രത്യുത്പാദനപ്രക്രിയയിലൂടെയല്ലാതെ,തന്റെ പരീക്ഷണത്തിലൂടെ പൂർണവളർച്ചയെത്തിയ കോശങ്ങളുപയോഗിച്ച് ജീവിയുടെ തനിപ്പകർപ്പുണ്ടാക്കിയത് ജീവശാസ്ത്രലോകത്തിന് വിപ്ലവകരമായ ചുവടുവയ്പ്പായിരുന്നു.പിന്നീട് മൂലകോശങ്ങളുപയോഗിച്ചും വിൽമുട്ട് പരീക്ഷണം തുടർന്നു.എഡിൻബർഗ് സർവകലാശാലയിലെ സ്കോട്ടിഷ് സെന്റർ ഫോർ റീജനറേറ്റിവ് മെഡിസിൻ ചെയർമാനായിരുന്നു വിൽമുട്ട്.