മലമ്പുഴ ഡാമിൽ സഹോദരങ്ങൾ മുങ്ങി മരിച്ചു. പാലക്കാട് പൂളക്കാട് സ്വദേശി നസീഫിൻ്റെ മക്കൾ മുഹമ്മദ് നിഹാൽ ( 20 ) ആദിൽ ( 16 ) എന്നിവരാണ് മരിച്ചത്. ഇന്നലെ രാത്രിയിലാണ് ഇരുവരും കുളിക്കാൻ ഇറങ്ങിയത്. പുലർച്ചയാണ് മൃതദേഹം കണ്ടെത്തിയത്.
രാത്രി ഏറെ ആയിട്ടും മുഹമ്മദ് ആഹിലും ,മുഹമ്മദ് നിഹാലും വീട്ടിലെത്താറായതോടെ ബന്ധുക്കൾ പോലീസിൽ അറിയിക്കുകയായിരുന്നു. തുടർന്ന് പോലീസ് ഫോൺ കേന്ദ്രീകരിച്ച് നടത്തിയ അന്വേഷണത്തിൽ മലമ്പുഴ ഭാഗത്ത് എത്തിയതായി കണ്ടെത്തുകയായിരുന്നു. തെക്കേ മലമ്പുഴ ഡാമിൻറെ പരിസരത്ത് വസ്ത്രങ്ങളും ചെരുപ്പും കണ്ടതോടെ സംശയം തോന്നി വെള്ളത്തിൽ തിരയുകയായിരുന്നു . ഇന്ന് പുലർച്ചയുടെ ആദ്യം മുഹമ്മദ് ആഹിലിന്റെ മൃതദേഹമാണ് കിട്ടിയത്. ഏഴുമണിയോടെ സഹോദരൻ മുഹമ്മദ് നിഹാലിന്റെ മൃതദേഹവും ഫയർഫോഴ്സ് കണ്ടെടുത്തു.
ചെളിയിൽ പൂണ്ടതാകാം മരണകാരണമെന്നാണ് നിഗമനം . മൃതദേഹങ്ങൾ പാലക്കാട് ജില്ലാ ആശുപത്രിയിൽ പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടു നൽകി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
