ആടിയുലഞ്ഞ് സ്വർണവില; ഇന്നത്തെ നിരക്ക് അറിഞ്ഞുവെച്ചോളൂ

സംസ്ഥാനത്തെ സ്വർണവിലയിൽ ഇന്നും ഇടിവ്. 880 രൂപ പവന് കുറഞ്ഞതോടെ ഇന്നത്തെ ഒരു പവന്റെ വില 1,16,160 രൂപയാണ്. ​ഗ്രാമിന് 110 രൂപ ഇടിഞ്ഞതോടെ 14,520 രൂപയാണ് ഗ്രാമിന് ഇന്നത്തെ വില. കഴിഞ്ഞ കുറച്ചു ദിവസമായി സ്വർണവിലയിൽ ഇടിവ് സംഭവിച്ചുകൊണ്ടിരിക്കുകയാണ്. ഇന്നലെ രാവിലെ പവന് 1,16,240 രൂപയായിരുന്ന വില വൈകുന്നേരത്തോടെ 1,17,040 രൂപയായി ഉയർന്നിരുന്നു. ആ ഉയർച്ചയിലാണ് ഇപ്പോൾ ഒരു തളർച്ച അനുഭവപ്പെട്ടിരിക്കുന്നത്.

സ്വർണവില താഴ്ന്നുതുടങ്ങിയപ്പോൾ തന്നെ വില ഇടിവ് ശാശ്വതമല്ലെന്ന് വിദ​ഗ്ധർ മുന്നറിയിപ്പ് നൽകിയിരുന്നു. അതുകൊണ്ട് ഇപ്പോഴത്തെ കുറവിനെ അങ്ങനെ വിശ്വസിക്കാൻ കഴിയില്ല. എന്നാൽ ഇത് വിവാഹപാർട്ടികളെ അൽപ്പം ആശ്വസിപ്പിച്ചിട്ടുണ്ട്. വിലയിലെ ഏറ്റക്കുറച്ചിലുകൾ അവരെയാണ് സാരമായി ബാധിക്കാറുള്ളത്.

ALSO READ: ആകാശത്ത് അടുത്ത ദിവസം അഗ്നിവലയം ? ഈ അപൂർവ്വ പ്രതിഭാസം ഇന്ത്യയിൽ കാണാമോ?

ഇന്ത്യക്കാരാണ് സ്വർണാഭരണങ്ങൾ വാങ്ങുന്നവരിൽ ഏറ്റവും മുൻപന്തിയിൽ നിൽക്കുന്നവർ. പൊതുവെ നമ്മൾ സ്വർണത്തെ ഒരു നിക്ഷേപമായിട്ടാണ് കാണുന്നത്. അതുകൊണ്ട് തന്നെ സ്വർണം വാങ്ങിക്കൂട്ടുന്നവരുടെ എണ്ണത്തിനും കുറവുണ്ടാവില്ല. എന്നാൽ ഈ വില ഇങ്ങനെ കൂടുകയാണെങ്കിൽ സ്വർണം സാധാരണക്കാർക്ക് കിട്ടാക്കനി തന്നെയായി മാറാൻ ആണ് സാധ്യത.