തളരാതെ സ്വർണ്ണം; സ്വർണ്ണ വിലയിൽ വീണ്ടും വർദ്ധനവ്

വിവാഹ സീസണും ആഘോഷങ്ങളും സജീവമായിരിക്കെ, സംസ്ഥാനത്തെ സ്വർണ്ണ വിപണിയിൽ നിന്നും ആശ്വാസകരമായ വാർത്തയല്ല പുറത്തുവരുന്നത്. കഴിഞ്ഞ ഏതാനും ദിവസങ്ങളായി വിപണിയിൽ പ്രകടമായിരുന്ന നേരിയ ആശ്വാസത്തിന് വിരാമമിട്ടുകൊണ്ട് സ്വർണ്ണവില വീണ്ടും മുകളിലേക്ക് കുതിക്കുകയാണ്.

സംസ്ഥാനത്ത് ഇന്ന് സ്വർണ്ണവിലയിൽ നേരിയ വർദ്ധനവാണ് രേഖപ്പെടുത്തിയിരിക്കുന്നത്. ഒരു പവൻ സ്വർണ്ണത്തിന് ഇന്ന് 8 രൂപ വർദ്ധിച്ച് 1,15,808 രൂപയിലെത്തി. ഗ്രാമിന് ഒരു രൂപയുടെ വർദ്ധനവോടെ 14,476 രൂപയായി.

ALSO READ : 6,000 മെഗാവാട്ട് സംയോജിത ഹരിത ഊർജ ഇടനാഴി; ഹരിത ഊർജ അടിത്തറ ശക്തിപ്പെടുത്താൻ അദാനി എനർജി സൊല്യൂഷൻസ്

ആഗോള വിപണിയിലുണ്ടായ അപ്രതീക്ഷിത മാറ്റങ്ങളും അന്താരാഷ്ട്ര തലത്തിലെ സാമ്പത്തിക അനിശ്ചിതത്വങ്ങളും ആഭ്യന്തര വിപണിയിൽ ഇത്തരമൊരു വിലക്കയറ്റത്തിന് കാരണമായിട്ടുണ്ട്. സ്വർണ്ണവില ലക്ഷങ്ങൾ കടന്ന് കുതിച്ചുചാട്ടം തുടരുന്ന സാഹചര്യത്തിൽ, ആഭരണങ്ങൾ വാങ്ങാൻ കാത്തിരിക്കുന്ന സാധാരണക്കാരും നിക്ഷേപകരും ഒരുപോലെ ആശങ്കയിലാണ്.