ടാറ്റ ഗ്രൂപ്പിന്റെ പ്രതിരോധ, എയ്റോസ്പേസ് വിഭാഗമായ ടാറ്റ അഡ്വാൻസ്ഡ് സിസ്റ്റംസ് ലിമിറ്റഡ് (ടിഎഎസ്എൽ) മൊറോക്കോയിൽ ഇന്ത്യയുടെ ആദ്യത്തെ വിദേശ പ്രതിരോധ നിർമ്മാണ കേന്ദ്രം ആരംഭിച്ചു. ‘ടാറ്റ അഡ്വാൻസ്ഡ് സിസ്റ്റംസ് മരോക്ക്’ എന്നാണ് ഈ അത്യാധുനിക യൂണിറ്റിന് പേരിട്ടിരിക്കുന്നത്. വീൽഡ് ആർമേർഡ് പ്ലാറ്റ്ഫോമുകൾ നിർമ്മിക്കുന്നതിൽ ശ്രദ്ധ കേന്ദ്രീകരിക്കുന്ന ഈ യൂണിറ്റ്, പ്രതിരോധ നിർമ്മാണത്തിൽ ഇന്ത്യയുടെ ആഗോള സാന്നിധ്യം ശക്തിപ്പെടുത്തുന്നതിൽ ശ്രദ്ധ കേന്ദ്രീകരിക്കും.
ഇന്ത്യയുടെ പ്രതിരോധ കയറ്റുമതി വിപുലീകരിക്കുന്നതിനും പരമ്പരാഗത വിപണികൾക്കപ്പുറം പങ്കാളിത്തം കെട്ടിപ്പടുക്കുന്നതിനുമുള്ള ശ്രമങ്ങളിൽ ഒരു സുപ്രധാന നാഴികക്കല്ലായാണ് വ്യവസായ വിശകലന വിദഗ്ധർ ഈ നീക്കത്തെ കാണുന്നത്. മൊറോക്കോയിൽ നിലവിൽ ഔദ്യോഗിക സന്ദർശനം നടത്തുന്ന പ്രതിരോധ മന്ത്രി രാജ്നാഥ് സിംഗാണ് ഈ പുതിയ പ്രതിരോധ നിർമ്മാണ കേന്ദ്രം ഉദ്ഘാടനം ചെയ്യുക.
ALSO READ; ട്രംപിന് തിരിച്ചടി; ജിമ്മി കിമ്മിലിന്റെ ഷോ പുന:രാരംഭിക്കാന് എബിസി
രാജ്നാഥ് സിംഗും മൊറോക്കോയുടെ പ്രതിരോധ മന്ത്രി അബ്ദുൽതിഫ് ലൗഡിയും തിങ്കളാഴ്ച റാബത്തിൽ കൂടിക്കാഴ്ച നടത്തിയിരുന്നു. ചർച്ചക്ക് ശേഷം ഇരു മന്ത്രിമാരും പ്രതിരോധ സഹകരണം സംബന്ധിച്ച ധാരണാപത്രത്തിൽ ഒപ്പുവെക്കുകയും ചെയ്തു. റാബത്തിലെ ഇന്ത്യൻ എംബസിയിൽ ഒരു പുതിയ പ്രതിരോധ വിഭാഗം ആരംഭിക്കുന്ന കാര്യവും ഇരുവരും പ്രഖ്യാപിച്ചിട്ടുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
