എയിംസിൽ ഒരു ജോലി സ്വപ്നം കാണുന്നവരാണോ? ഇതാ അവസരം; എങ്ങനെ അപേക്ഷിക്കാം

എയിംസിൽ ഒരു ജോലി നേടാൻ ആഗ്രഹിക്കുന്നവർക്ക് ഇതാ അവസരം. വെസ്റ്റ് ബംഗാളിൽ സ്ഥിതി ചെയ്യുന്ന ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (AIIMS) ൽ വിവിധ വകുപ്പുകളിലായി കരാർ അടിസ്ഥാനത്തിൽ നിയമനം നടത്തുന്നു.

172 സീനിയർ റെസിഡന്റ് (നോൺ-അക്കാദമിക്) തസ്തികകളിൽ ആണ് നിയമനം.
അംഗീകൃത സർവകലാശാല/ഇൻസ്റ്റിറ്റ്യൂട്ടിൽ നിന്ന് എംഡി/എംഎസ്/ഡിഎൻബി അല്ലെങ്കിൽ തത്തുല്യമായ ബിരുദാനന്തര മെഡിക്കൽ ബിരുദവമുള്ളവർക്ക് അപേക്ഷിക്കാവുന്നതാണ്. സൂപ്പർ-സ്പെഷ്യാലിറ്റി വിഭാഗങ്ങൾക്ക് ബന്ധപ്പെട്ട സ്പെഷ്യാലിറ്റിയിൽ ഡിഎം/എംസിഎച്ച്/ഡിഎൻബി എന്നിവയാണ് യോഗ്യത. അപേക്ഷകന്റെ പ്രായം 45 വയസ്സ് കവിയരുത്. സംവരണ വിഭാഗത്തിൽ ഉൾപ്പെട്ടവർക്ക് പ്രായ പരിധിയിൽ ഇളവുകൾ ലഭിക്കും.

ALSO READ: ഒന്നാംവർഷ ഹയർ സെക്കൻഡറി പരീക്ഷ ടൈംടേബിളിൽ മാറ്റം; പരീക്ഷകൾ ഡിസംബർ 15 മുതൽ ജനുവരി ആറ് വരെ

ഡിസംബർ 26,27 തീയതികളിൽ കല്യാണിയിൽ നടക്കുന്ന അഭിമുഖത്തിലൂടെയാണ് ഉദ്യോഗാർത്ഥികളെ തെരഞ്ഞെടുക്കുക. താല്പര്യമുള്ളവർക്ക് ഡിസംബർ 15 വരെ അപേക്ഷിക്കാവുന്നതാണ്. വകുപ്പുകളും ഒഴിവുകളുടെ എണ്ണവും ആശുപത്രി അഡ്മിനിസ്ട്രേഷൻ, ട്രാൻസ്ഫ്യൂഷൻ മെഡിസിൻ, എമർജൻസി മെഡിസിൻ എന്നിവയ്ക്കുള്ള പ്രത്യേക യോഗ്യതകൾ തുടങ്ങിയവയും അറിയാൻ വിജ്ഞാപനം കാണുക.