തൃശൂര്‍ മതിലകത്ത് കാറുകള്‍ കൂട്ടിയിടിച്ച് തലകീഴായ് മറിഞ്ഞ് മൂന്നു പേര്‍ക്ക് പരിക്കേറ്റു. പറവൂര്‍ കരുമല്ലൂര്‍ സ്വദേശികളായ മടശ്ശേരി വീട്ടില്‍ 55 വയസുള്ള സതി, 54 വയസുള്ള ഗിരിജ, മുണ്ടൂര്‍ വീട്ടില്‍ 54 വയസുള്ള പ്രസന്ന എന്നിവര്‍ക്കാണ് പരിക്കേറ്റത്.
Also Read: കൊല്ലത്ത് ആറാം ക്ലാസുകാരന് നേരെ ട്യൂഷന്‍ സെന്റര്‍ അധ്യാപകന്റെ ക്രൂര മര്‍ദ്ദനം
ആക്റ്റ്‌സ് പ്രവര്‍ത്തകര്‍ ഇവരെ കൊടുങ്ങല്ലൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്ന് രാവിലെ 5 മണിയോടെ ദേശീയപാത 66 – ല്‍ മതിലകം പള്ളിവളവിന് പടിഞ്ഞാറ് ഭാഗത്തായിരുന്നു അപകടം. ഗുരുവായൂര്‍ ക്ഷേത്ര ദര്‍ശനം കഴിഞ്ഞ് മടങ്ങുകയായിരുന്ന പറവൂര്‍ കരുമല്ലൂര്‍ സ്വദേശികളുടെ കാറും, തിരുവനന്തപുരത്ത് നിന്നും ഗുരുവായൂരിലേക്ക് വന്നിരുന്ന കാറുമാണ് കൂട്ടിയിടിച്ചത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
