മഹാരാഷ്ട്ര കാബിനറ്റ് മന്ത്രിയും എൻസിപി നേതാവുമായ ഛഗൻ ഭുജ്ബൽ സഞ്ചരിച്ചിരുന്ന ഹെലികോപ്റ്റർ ഹെലിപാഡിൽ നിന്ന് തെന്നിമാറി, കാർ പാർക്കിങ് സ്ഥലത്ത് ലാൻഡ് ചെയ്തു. മഹാരാഷ്ട്രയിലെ പൂനെ ജില്ലയിലെ പുരന്ദർ താലൂക്കിലെ ഖാൻവാടി ഗ്രാമത്തിലാണ് പ്രദേശവാസികളെ ഞെട്ടിച്ച സംഭവം നടന്നത്. വൻ ദുരന്തമാണ് ഒഴിവായത്.
അപകടത്തിന്റെ ദൃശ്യങ്ങളും പുറത്തുവന്നിട്ടുണ്ട്. ഹെലിപാഡിന് സമീപമുള്ള ഒഴിഞ്ഞ ഭാഗത്ത് ഹെലികോപ്റ്റർ ലാൻഡ് ചെയ്യുന്നത് ദൃശ്യങ്ങളിൽ കാണാം. ലാൻഡ് ചെയ്യുന്നതിനിടെ റോട്ടറുകൾ പൊടിപടലങ്ങൾ കൊണ്ട് പറന്നുപോയതിനാൽ പൈലറ്റിന് ഹെലിപാഡിൽ എത്താൻ കഴിഞ്ഞില്ല.
Pune, Maharashtra: In Khanwadi village of Purandar taluka, during the inauguration of a Zilla Parishad school, Minister Chhagan Bhujbal’s helicopter landed directly in the car parking area instead of the designated helipad pic.twitter.com/d5QGHPKOml
— IANS (@ians_india) April 11, 2026
മഹാരാഷ്ട്ര ഭക്ഷ്യ-സിവിൽ സപ്ലൈസ് മന്ത്രിയാണ് ഛഗൻ ഭുജ്ബൽ. ഇദ്ദേഹം സഞ്ചരിച്ചിരുന്ന ഹെലികോപ്റ്റർ പൂനെയിലെ നിശ്ചിത ഹെലിപാഡിന് പകരം വാഹന പാർക്കിംഗ് സ്ഥലത്ത് അബദ്ധത്തിൽ ഇടിച്ചിറക്കുകയായിരുന്നു. പരന്ദർ താലൂക്കിൽ ഉൾപ്പെടുന്ന ഖാൻവാഡി ഗ്രാമത്തിൽ ഒരു പരിപാടിയിൽ പങ്കെടുക്കാൻ ഭുജ്ബൽ പൂനെ ജില്ലയിൽ എത്തിയപ്പോഴാണ് സംഭവം നടന്നത്.
അപകടത്തിൽ മന്ത്രിയും ഹെലികോപ്റ്റർ പൈലറ്റും പരുക്കേൽക്കാതെ രക്ഷപ്പെട്ടു. സാധാരണയായി ഹെലികോപ്റ്ററുകൾക്ക് സുരക്ഷിതമായ ലാൻഡിങ്ങിനായി പ്രത്യേകം സജ്ജീകരിച്ച ഹെലിപാഡ് ആവശ്യമാണ്. എന്നാൽ, എല്ലാ സുരക്ഷാ മാനദണ്ഡങ്ങളും അവഗണിച്ച് മന്ത്രിയുടെ ഹെലികോപ്റ്റർ ഒരു കാർ പാർക്കിംഗ് സ്ഥലത്താണ് ഇറക്കിയത്.
പ്രാദേശികരെയും സോഷ്യൽ മീഡിയയെയും ഒരുപോലെ ഞെട്ടിച്ച ഈ സംഭവത്തിൽ, സുരക്ഷാ ലംഘനത്തെക്കുറിച്ച് വ്യാപകമായ വിമർശനങ്ങളാണ് ഉയരുന്നത്. പൈലറ്റിന്റെ തീരുമാനം വ്യാപകമായി ചോദ്യം ചെയ്യപ്പെടുന്നുണ്ട്. ബന്ധപ്പെട്ട അധികാരികൾ അന്വേഷണം ആരംഭിക്കണമെന്ന ആവശ്യം ശക്തമാകുന്നു. സംഭവ സമയത്ത് പാർക്കിങ് ഏരിയയിൽ വാഹനങ്ങളും ആളുകളും ഉണ്ടായിരുന്നുവെന്നാണ് റിപ്പോർട്ടുകൾ പറയുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
