ബ്രാന്‍ഡ് അംബാസഡറായി ക്രിക്കറ്റ് താരം ധോണിയെ സിട്രണ്‍ പ്രഖ്യാപിച്ചിരുന്നു. ഇതിനു പിന്നാലെ സിട്രണ്‍ C3 എയര്‍ക്രോസിന്റെ ഒരു സ്‌പെഷ്യല്‍ എഡിഷന്‍ കമ്പനി വെളിപ്പെടുത്തിയിരുന്നു. ഇതിനു സിട്രണ്‍ C3 എയര്‍ക്രോസ് ധോണി എഡിഷന്‍ എന്നാണ് കമ്പനി നൽകിയിരിക്കുന്ന പേര്.
ഈ പ്രത്യേക പതിപ്പിന് റിയര്‍ ഡോര്‍ പാനലുകളിലെ പുതിയ സ്ട്രിപ്പ്ഡ് ഡിസൈന്‍ ‘7’ ഡീക്കലുകളും മുന്‍ ഡോറുകളിലെ ‘ധോണി എഡിഷന്‍’ ഗ്രാഫിക്‌സുമാണ് പ്രധാന സവിശേഷത. ഇല്യമേിനേറ്റഡ് ഡോര്‍ സില്‍സ്, തീം കുഷ്യന്‍, സീറ്റ് ബെല്‍റ്റ് കുഷ്യന്‍, ഫ്രണ്ട് ഡാഷ് ക്യാമറ എന്നിവയും ഈ പ്രത്യേക പതിപ്പില്‍ കാണും. 109 bhp പവറും 205 Nm പീക്ക് ടോര്‍ക്കും സൃഷ്ടിക്കാന്‍ ശേഷിയുള്ള 1.2 ലിറ്റര്‍ ടര്‍ബോ പെട്രോള്‍ എഞ്ചിനായിരിക്കും സിട്രണ്‍ C3എയര്‍ക്രോസ് ധോണി എഡിഷന്‍
കൂടാതെ C3 എയര്‍ക്രോസ് ധോണി എഡിഷന്‍ ബുക്ക് ചെയ്യുന്ന ഉപഭോക്താക്കള്‍ക്ക് എംഎസ് ധോണിയുമായി ബന്ധപ്പെട്ടുള്ള മെര്‍ച്ചന്‍ റൈസുകള്‍ സമ്മാനമായി നേടാനുള്ള അവസരവും ഉണ്ടാകും.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
