രാജ്യത്ത് പെട്രോൾ ഡീസൽ വില വർധനവിലും പാചകവാതക വില വർധവനവിലും പ്രതിഷേധം ശക്തമാക്കി സി ഐ ടി യു. സംസ്ഥാന വ്യാപകമായി സി ഐ ടി യു നടത്തുന്ന പ്രതിഷേധത്തിന്റെ ഭാഗമായി പത്തനംതിട്ടയിലും പ്രതിഷേധം നടന്നു. ഗ്യാസ് ചുമന്നും, വാഹനങ്ങൾ കെട്ടിവലിച്ചും ആയിരുന്നു പ്രതിഷേധം.
ഹെഡ് പോസ്റ്റ് ഓഫീസിലേക്ക് നടന്ന പ്രതിഷേധ മാർച്ചിൽ നൂറുകണക്കിന് തൊഴിലാളികൾ പങ്കാളികളായി. മാർച്ച് സി ഐ ടി യു ഓട്ടോ ടാക്സി & ലൈറ്റ് മോട്ടോർ വർക്കേഴ്സ് സംസ്ഥാന പ്രസിഡണ്ട് രാജു എബ്രഹാം ഉദ്ഘാടനം ചെയ്തു. വലിയ പ്രതിഷേധമാണ് രാജ്യവ്യാപകമായി ഇന്ധനവില വർധവയ്ക്കെതിരേയും നരേന്ദ്ര മോദിക്കെതിരേയും അരങ്ങേറുന്നത്. കോർപ്പറേറ്റുകളുടെ പോക്കറ്റ് വീർപ്പിക്കാൻ നരേന്ദ്ര മോദി സാധാരണക്കാരൻ്റെ വയറ്റ്ത്തടിക്കുന്ന നിലപാടാണ് സ്വീകരിക്കുന്നത്.
അടിക്കടിയാണ് ഇന്ധന വില വർധിപ്പിച്ചു കൊണ്ടിരിക്കുന്നത്. നിരവധി തവണയാണ് കഴിഞ്ഞ മാസങ്ങളിൽ ഇന്ധന വില വർധിപ്പിച്ചത്. സി പി ഐ എം ഉൾപ്പെടെയുള്ള ഇടതു സംഘടനകൾ ശക്തമായ പ്രതിഷേധവുമായി രംഗത്തുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
