ബിജെപി പ്രവർത്തകരും നാട്ടുകാരും തമ്മിൽ ഏറ്റുമുട്ടി, പൊലീസിന് നേരെയും മർദനം; തിരുവനന്തപുരം നെട്ടയത്ത് സംഘർഷം

തിരുവനന്തപുരം നെട്ടയം മലമുകളിൽ ബിജെപി പ്രവർത്തകരും നാട്ടുകാരും തമ്മിൽ സംഘർഷം. ഉച്ചയോടെ ആരംഭിച്ച തർക്കം പരിഹരിക്കപ്പെടാതെ നീണ്ടുപോവുകയും രാത്രിയോടെ അത് കൂടുതൽ രൂക്ഷമാവുകയും ചെയ്തു. ഈ സംഘർഷത്തിനിടയിൽ ഉണ്ടായ കല്ലേറിൽ സ്ഥലത്തുണ്ടായിരുന്ന പൊലീസ് ഉദ്യോഗസ്ഥന് മർദനമേൽക്കുകയും തലയ്ക്ക് പരുക്കേൽക്കുകയും ചെയ്തു.

നിലവിൽ നെട്ടയത്തെ സാഹചര്യം സംഘർഷഭരിതമായി തുടരുന്നതിനാൽ, ക്രമസമാധാനം ഉറപ്പുവരുത്തുന്നതിനായി വൻ പൊലീസ് സംഘം സ്ഥലത്ത് ക്യാമ്പ് ചെയ്യുന്നുണ്ട്.

ALSO READ: പ്രധാനമന്ത്രിയുടെ പ്രസംഗം വോട്ട് ബാങ്ക് ലക്ഷ്യമാക്കി, സ്ത്രീശാക്തീകരണത്തിൽ ഈ സർക്കാരിന് ആത്മാർത്ഥതയില്ലെന്ന് കെ. രാധാകൃഷ്ണൻ എം.പി

പൊലീസുകാരന്‍റെ തലപൊട്ടി പരിക്കേറ്റതോടെ കൂടുതൽ പൊലീസ് സ്ഥലത്തെത്തി ലാത്തിചാർജ്ജ് ചെയ്തതോടെ പ്രവർത്തകർ ചിതറിയോടി. പിന്നാലെ സംഘർഷാവസ്ഥക്ക് ചെറിയ തോതിൽ അയവുണ്ടായിട്ടുണ്ട്.

ALSO READ: പ്രതിപക്ഷ നേതാവ് ഇത് കാണുന്നുണ്ടല്ലോ അല്ലേ? ദുരിതബാധിതർക്ക് വീട് നിർമിക്കാമെന്ന് വാഗ്ദാനം നൽകിയ കോണ്‍ഗ്രസിൻ്റെ ഭൂമിയിലേക്ക് വ‍ഴികാട്ടൽ സമരവുമായി ഡിവൈഎഫ്ഐ