കേരളത്തെ പിന്നോട്ടടിപ്പിച്ച യുഡിഎഫിൻ്റെ ആ ഇരുണ്ടകാലം തിരികെ വരരുത്; പഴയ കാലം ഓർമിപ്പിച്ച് മുഖ്യമന്ത്രി

യുഡിഎഫിന്റെ ഇരുണ്ട കാലത്തെ ഓർമിപ്പിച്ച് മുഖ്യമന്ത്രി പിണറായി വിജയൻ. ഫേസ്ബുക്കിലൂടെ മുഖ്യമന്ത്രി പങ്കുവച്ച കുറിപ്പും വിവരങ്ങളുമാണ് ഇതോടെ ജനങ്ങൾ ഏറ്റെടുത്തിരിക്കുന്നത്. കേരളത്തെ പിന്നോട്ടടിപ്പിച്ച യുഡിഎഫിൻ്റെ ആ ഇരുണ്ടകാലം തിരികെ വരരുതെന്നും വാക്ക് പാലിക്കാത്തവരെ തുറന്ന് കാട്ടാൻ ഇതിലും നല്ലൊരു ദിവസം വേറെയുണ്ടോയെന്നും മുഖ്യമന്ത്രി ചോദിക്കുന്നു. ഇടതുപക്ഷം മുന്നോട്ട് വെക്കുന്ന നവകേരളത്തിനായി നമുക്ക് ഒരുമിച്ച് പോരാടാമെന്നും ചർച്ച തുടരട്ടെയെന്നും മുഖ്യമന്ത്രി ഫേസ്ബുക്കിൽ കുറിച്ചു. യുഡിഎഫിന്റെ ഭരണകാലത്ത് ജനങ്ങൾ നേരിട്ട വെല്ലുവിളിയും ജനങ്ങളുടെ കഷ്ടപ്പാടും മുഖ്യമന്ത്രി തുറന്ന് കാട്ടുന്നു.

18 മാസം വരെ മുടങ്ങിയ ക്ഷേമപെൻഷനും, കട്ടപ്പുറത്തായിരുന്ന കെഎസ്ആർടിസിയും, അടച്ചുപൂട്ടലിൻ്റെ വക്കിലായ സ്കൂളുകളും ഓണപ്പരീക്ഷയായിട്ടും പാഠപുസ്തകങ്ങൾ കിട്ടാത്ത കാലവും അങ്ങനെയെല്ലാം മുഖ്യമന്ത്രി ഓർമിപ്പിക്കുകയാണ്.

Also read: വി എസിന്റെ ഓർമ ഏത് പോരാട്ടത്തിനിറങ്ങുമ്പോഴും കരുത്താണ്: എച്ച് സലാം

രാവിലേയും രാത്രിയുമുള്ള പവർകട്ടുകളും അഴിമതിയിൽ മു​ങ്ങിയ ഭരണകൂടവും റോഡിലെ കുഴികളും പുഴുവരിക്കുന്ന റേഷനും മരുന്നു പോലും കിട്ടാനില്ലാത്ത അശുപത്രികളുടെ ശോചനീയാവസ്ഥയും മുഖ്യമന്ത്രി ഫേസ്ബുക്കിലൂടെ ഓർമിപ്പിക്കുന്നു. എല്ലാ മേഖലകളിലും യുഡിഎഫ് ഭരണകൂടം പരാജയമായിരുന്നെന്നും മുഖ്യമന്ത്രിയുടെ പോസ്റ്റിലൂടെ കാണാം.