പട്ടികജാതി വികസന വകുപ്പിന്റെ കീഴില് ആലുവ സബ് ജയില് റോഡില് പ്രവര്ത്തിക്കുന്ന ഗവ. പ്രീ എക്സാമിനേഷന് ട്രെയിനിംഗ് സെന്ററില്, എറണാകുളം, കോട്ടയം, ഇടുക്കി, ആലപ്പുഴ എന്നീ ജില്ലകളിലുള്ള പട്ടികജാതി/ പട്ടികവര്ഗ വിഭാഗ വിദ്യാര്ഥികള്ക്ക് കമ്പ്യൂട്ടര് കോഴ്സുകളുടെ സൗജന്യ പരിശീലനം നൽകുന്നു. മൂന്ന് മാസം ദൈര്ഘ്യമുള്ള ഡാറ്റാ എന്ട്രി, ഡി.റ്റി.പി.സി എന്നീ കോഴ്സുകളുടെ പരിശീലനം ഫെബ്രുവരി 17-ന് രാവിലെ 10ന് ആരംഭിക്കും. 18നും 25നും ഇടയില് പ്രായമുള്ളവര്ക്ക് അപേക്ഷിക്കാം.
യോഗ്യത – പത്താം ക്ലാസ്. ഡി.റ്റി.പി. കോഴ്സിന് ഡാറ്റാ എന്ട്രിയോ ഇംഗ്ലീഷ് ടൈപ്പ്റൈറ്റിംഗ് ലോവറോ തത്തുല്യ യോഗ്യതയോ ഉണ്ടായിരിക്കണം. പരിശീലനത്തിന് തെരഞ്ഞെടുക്കുന്ന പട്ടികജാതി/ പട്ടികവര്ഗ വിഭാഗ വിദ്യാര്ഥികള്ക്ക് നിയമാനുസൃത സ്റ്റൈപ്പന്റ് ലഭിക്കും.
Read Also: മെഡിക്കൽ രംഗത്ത് ജോലി അവസരങ്ങൾ; ഹെല്ത്ത് ഇന്ഫര്മേഷന് മാനേജ്മെന്റില് ഡിപ്ലോമ പ്രവേശനം
ക്ലാസില് ചേരാന് താത്പര്യമുള്ളവര് ജാതി, വിദ്യാഭ്യാസ യോഗ്യത തെളിയിക്കുന്ന സര്ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്പ്പുകള് സഹിതം ഫെബ്രുവരി 14- ന് വൈകിട്ട് 4.30 ന് മുമ്പ് ഓഫീസില് നേരിട്ടെത്തി അപേക്ഷ സമര്പ്പിക്കണം.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
