രാജ്യത്ത് കൊവിഡ് കേസുകള് വര്ധിക്കുന്നു. കഴിഞ്ഞ 24 മണിക്കൂറിനിടെ 1134 പേര്ക്ക് കൊവിഡ് സ്ഥിരീകരിച്ചു. അഞ്ചുപേര്കൂടി മരിച്ചു. കേസുകള് വര്ധിക്കുന്ന സാഹചര്യത്തില് സ്ഥിതിഗതികള് വിലയിരുത്താനായി മെഡിക്കല് ഉദ്യോഗസ്ഥര് ഇന്ന് കൊവിഡ് അവലോകന യോഗം ചേരും.
ഉത്തര്പ്രദേശില് മാത്രം 699 കേസുകളാണ് റിപ്പോര്ട്ട് ചെയ്തത്. ആകെ രോഗബാധിതരുടെ എണ്ണം ഏഴായിരം കടന്നു. പ്രതിദിന പോസിറ്റിവിറ്റി നിരക്ക് 1.09 ശതമാനമായി. പ്രതിവാര പോസിറ്റിവിറ്റി നിരക്ക് 0.98 ശതമാനമായും ഉയര്ന്നു.
കൊവിഡ് കേസുകള് ക്രമാതീതമായി ഉയരുകയാണെന്നും പരിശോധന, ചികിത്സ, നിരീക്ഷണം, വാക്സിനേഷന് എന്നിവ കര്ശനമാക്കാനും കേന്ദ്ര ആരോഗ്യമന്ത്രാലയം നിര്ദേശം നല്കിയിട്ടുണ്ട്. കൊവിഡ് സാഹചര്യം സൂക്ഷ്മമായി പരിശോധിക്കണം, ആരോഗ്യ മന്ത്രാലയം പുറപ്പെടുവിച്ച മാര്ഗ നിര്ദേശങ്ങള് പാലിക്കണം, രോഗത്തെ വേഗത്തിലും ഫലപ്രദമായും കൈകാര്യം ചെയ്യുന്നതിനായി ആവശ്യമായ നടപടികള് സ്വീകരിക്കണം തുടങ്ങിയ നിര്ദേശങ്ങള് കേന്ദ്ര ആരോഗ്യ മന്ത്രാലയം സംസ്ഥാനങ്ങള്ക്ക് നല്കിയിട്ടുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
