ലോകകപ്പിലെ ഗ്രൂപ്പ് എ മത്സരത്തിൽ നമീബിയയെ 7 വിക്കറ്റിന് കീഴടക്കി നെതർലാൻഡ്സ് പാകിസ്താനോട് തോറ്റതിന്റെ കണക്കു തീർത്തു. ഡൽഹി അരുണ് ജയ്റ്റ്ലി സ്റ്റേഡിയത്തിൽ നടന്ന മത്സരത്തിൽ ടോസ് നേടി ആദ്യം ബൗളിംഗ് തെരഞ്ഞെടുത്ത നെതർലാൻഡ്സ്, നമീബിയയെ 20 ഓവറിൽ 156/8 എന്ന സ്കോറിൽ ഒതുക്കി.
ജാൻ നിക്കോൾ ലോഫ്റ്റി-ഈട്ടണും (42) ജാൻ ഫ്രൈലിൻക്കും (30) ചേർന്ന് നമീബിയയ്ക്ക് ഭേദപ്പെട്ട തുടക്കം നൽകി. എന്നാൽ മധ്യ ഓവറുകളിൽ ബാസ് ഡി ലിഡിയും ലോഗൻ വാൻ ബീക്കും നടത്തിയ കൃത്യതയാർന്ന ബൗളിംഗ് സ്കോറിന്റെ വേഗം കുറച്ചു. ഡി ലിഡി 3 ഓവറിൽ 20 റൺസ് വഴങ്ങി 2 വിക്കറ്റ് വീഴ്ത്തി.
Also Read: ബഹിഷ്കരണ ഭീഷണിയിൽ നിന്ന് പിന്മാറി പാകിസ്താൻ;ടി20 ലോകകപ്പിൽ ഇന്ത്യക്കെതിരേ പാകിസ്താൻ കളിക്കും
മറുപടി ബാറ്റിംഗിൽ നെതർലാൻഡ്സ് ആത്മവിശ്വാസത്തോടെ ലക്ഷ്യം പിന്തുടർന്നു. ബാസ് ഡി ലിഡി 48 പന്തിൽ 72 റൺസ് നേടി പുറത്താകാതെ നിന്നു. മൈക്കൽ ലെവിറ്റിന്റെ വേഗമേറിയ 28 റൺസും കോളിൻ അക്കർമാന്റെ 32 റൺസും വിജയം എളുപ്പമാക്കി. 18 ഓവറിൽ തന്നെ ലക്ഷ്യം മറികടന്ന നെതർലാൻഡ്സ് ഗ്രൂപ്പ് ഘട്ടത്തിലെ ആദ്യ പോയിന്റുകൾ സ്വന്തമാക്കി. .
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
