ദുബെ, വരുൺ തിളങ്ങി! നെതർലാൻഡ്സിനെ തകർത്തു അജയ്യരായി ഇന്ത്യ സൂപ്പർ എയ്റ്റ്സിൽ!

ലോകകപ്പിലെ അവസാന ഗ്രൂപ്പ് മത്സരത്തിൽ നെതർലാൻഡ്സിനെ 17 റൺസിന് പരാജയപ്പെടുത്തി ഇന്ത്യ. നരേന്ദ്ര മോദി സ്റ്റേഡിയത്തിൽ ടോസ് നേടി ആദ്യം ബാറ്റ് ചെയ്ത ഇന്ത്യ 20 ഓവറിൽ 193/6 എന്ന ശക്തമായ സ്കോർ പടുത്തുയർത്തി.ശിവം ദുബെയുടെ വെടിക്കെട്ട് ഇന്നിംഗ്സാണ് ഇന്ത്യയ്ക്ക് കരുത്തായത്. 31 പന്തിൽ 66 റൺസ് നേടിയ ഡുബെ നാല് ഫോറും ആറ് സിക്‌സറും നേടി മത്സരത്തിന്റെ ഗതി മാറ്റി. നായകൻ സൂര്യകുമാർ യാദവ് 34 റൺസും തിലക് വർമ്മ 31 റൺസും നേടി മധ്യനിര ശക്തിപ്പെടുത്തി. ഹാർദിക് പാണ്ഡ്യ 30 റൺസുമായി അവസാനം തകർപ്പൻ ഫിനിഷ് നൽകി. നെതർലാൻഡ്സിനായി ലോഗൻ വാൻ ബീക്ക് മൂന്ന് വിക്കറ്റ് നേടി.

Also Read: T20 World Cup 2026: നമീബിയയെ തകർത്ത് പാകിസ്ഥാൻ സൂപ്പർ എയ്റ്റ്സിൽ

194 റൺസ് വിജയലക്ഷ്യം പിന്തുടർന്ന നെതർലാൻഡ്സ് 20 ഓവറിൽ 176/7 എന്ന നിലയിൽ ഒതുങ്ങി . ബാസ് ഡെ ലീഡെ 33 റൺസും കോളിൻ അക്കർമാൻ 23 റൺസും നേടി പോരാട്ടം കാഴ്ചവെച്ചെങ്കിലും ഇന്ത്യൻ ബൗളർമാർ പിടിമുറുക്കി. വരുൺ ചക്രവർത്തി മൂന്ന് വിക്കറ്റ് നേടി. ശിവം ഡുബെയും രണ്ട് വിക്കറ്റ് നേടി ഓൾറൗണ്ട് പ്രകടനം കാഴ്ചവെച്ചു. ജസ്പ്രിത് ബുമ്രാ, ഹാർദിക് പാണ്ഡ്യ എന്നിവർ ഓരോ വിക്കറ്റ് വീതം നേടി.അവസാന ഓവറുകളിൽ നോവ ക്രോസിന്റെ വേഗതയേറിയ 25 റൺസ് നെതർലാൻഡ്സിന് പ്രതീക്ഷ നൽകിയെങ്കിലും വിജയം ഇന്ത്യ സ്വന്തമാക്കി.