ഇന്ത്യ – ന്യൂസിലൻഡ് ടി20: ശ്രീ പത്മനാഭസ്വാമി ക്ഷേത്രം സന്ദർശിച്ച് ഇന്ത്യൻ താരങ്ങൾ

കാര്യവട്ടം ഗ്രീൻഫീൽഡ് സ്റ്റേഡിയത്തിൽ നടക്കുന്ന ന്യൂസിലാൻഡിനെതിരായ ടി20 പരമ്പരയിലെ അവസാന ട്വന്റി20 മത്സരത്തിന് മുന്നോടിയായി ഇന്ത്യൻ ക്രിക്കറ്റ് ടീമിലെ ഏഴ് താരങ്ങൾ തിരുവനന്തപുരം ശ്രീ പത്മനാഭസ്വാമി ക്ഷേത്രത്തിൽ എത്തി. തിരുവനന്തപുരം നഗരത്തിലെത്തിയ താരങ്ങൾ രാവിലെയാണ് ക്ഷേത്രസന്ദർശനം നടത്തിയത്.

പരമ്പരാഗത വേഷം ധരിച്ചെത്തിയ സംഘത്തിൽ ഇന്ത്യൻ ടി20 ക്യാപ്റ്റൻ സൂര്യകുമാർ യാദവ്, ഓൾറൗണ്ടർ അക്ഷർ പട്ടേൽ, ബാറ്റർമാരായ റിങ്കു സിംഗ്, വരുണ്‍ ചക്രവർത്തി എന്നിവരും ഉൾപ്പെട്ടിരുന്നു. സ്പിൻ ബൗളർമാരായ കുൽദീപ് യാദവ്, രവി ബിഷ്ണോയി എന്നിവരും ടീമിന്റെ ഫീൽഡിങ് കോച്ച് ടി ദിലിപും സന്ദർശനത്തിൽ പങ്കെടുത്തു.

Also Read: വനിതാ പ്രീമിയർ ലീഗ്: എലിമിനേറ്റർ ഗുജറാത്തും മുംബൈയും ഇന്ന് നേർക്കുനേർ

ഏകദേശം 30 മിനിറ്റോളം നീണ്ട ക്ഷേത്രസന്ദർശനത്തിനിടെ താരങ്ങൾ അവസാന മത്സരത്തിന് മുമ്പ് അനുഗ്രഹം തേടി പ്രാർത്ഥന നടത്തി.സമൃദ്ധമായ ചരിത്രവും മനോഹരമായ ശില്പകലയും കൊണ്ടു പ്രശസ്തമായ ശ്രീ പത്മനാഭസ്വാമി ക്ഷേത്രം ദക്ഷിണേന്ത്യയിലെ ഏറ്റവും പ്രധാനപ്പെട്ട ഹിന്ദു തീർത്ഥാടന കേന്ദ്രങ്ങളിൽ ഒന്നാണ്.