കരീബിയൻ അതിഥികളെ ആദ്യ ടി20യിൽ എല്ലാ വിഭാഗങ്ങളിലും മികവ് കാഴ്ചവെച്ച ദക്ഷിണാഫ്രിക്ക, വെസ്റ്റിൻഡീസിനെ ഒമ്പത് വിക്കറ്റിന് പരാജയപ്പെടുത്തി മൂന്ന് മത്സര പരമ്പരയിൽ 1-0ന് മുന്നിലെത്തി. ജോർജ് ലിൻഡെയുടെ കിടിലൻ ബൗളിംഗും ടോപ് ഓർഡറിന്റെ ആധികാരിക ബാറ്റിംഗുമാണ് പ്രോട്ടീസിന് അനായാസ ജയം സമ്മാനിച്ചത്.
ആദ്യം ബാറ്റ് ചെയ്ത വെസ്റ്റിൻഡീസ് 20 ഓവറിൽ 173/7 എന്ന സ്കോറിൽ ഒതുങ്ങി. ഷിമ്രോൺ ഹെറ്റ്മെയർ 48 റൺസുമായി ടോപ് സ്കോററായപ്പോൾ, ജോർജ് ലിൻഡെ 3/25 എന്ന പ്രകടനത്തോടെ ബാറ്റിങ്ങിനെ തകർത്തു. കേശവ് മഹാരാജും കോർബിൻ ബോഷും രണ്ട് വീതം വിക്കറ്റുകൾ നേടി.
മറുപടി ബാറ്റിംഗിൽ ദക്ഷിണാഫ്രിക്ക ഒരിക്കലും സമ്മർദ്ദത്തിലായില്ല. നായകൻ ഐഡൻ മാർക്രം 47 പന്തിൽ പുറത്താകാതെ 86 റൺസ് നേടി, ഇന്നിംഗ്സ് പൂർണ നിയന്ത്രണത്തിലാക്കി. ലുഹാൻ-ഡ്രെ പ്രെടോറിയസ് (44) റയാൻ റിക്കൽട്ടൺ (40*) എന്നിവരുടെ പിന്തുണയോടെ ലക്ഷ്യം 17.5 ഓവറിൽ തന്നെ മറികടന്നു.
Also Read: ഡെജാ വൂ! അവസാന ഓവറിൽ വീണ്ടും ഡൽഹിയെ തകർത്ത് സോഫി ഡിവൈൻ
പവർപ്ലെയിൽ തന്നെ മത്സരത്തിന്റെ ഗതി തീരുമാനിച്ച പ്രോട്ടീസ്, ഫീൽഡിലും ബൗളിംഗിലും കൃത്യത പുലർത്തി. ആത്മവിശ്വാസം നിറഞ്ഞ ഈ ജയം പരമ്പരയിൽ ദക്ഷിണാഫ്രിക്കയ്ക്ക് ശക്തമായ തുടക്കമായി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
