ചെന്നൈ എംഎ ചിദംബരം സ്റ്റേഡിയത്തിൽ ന്യൂസീലാൻഡിനെതിരെ മികച്ച സ്കോർ പടുത്തുയർത്തി അഫ്ഘാനിസ്ഥാൻ. ടോസ് നേടി ആദ്യം ബാറ്റിംഗ് തെരഞ്ഞെടുത്ത ഇന്ത്യയുടെ അയൽക്കാർ ഗുൽബദിൻ നൈബിന്റെ അർദ്ധസെഞ്ചുറിയുടെ മികവിൽ നിശ്ചിത 20 ഓവറിൽ 6 വിക്കറ്റ് നഷ്ടത്തിൽ 182 റൺസ് നേടി.
ചെന്നൈയിൽ സാവധാനം തുടങ്ങിയ അഫ്ഘാനിസ്താന്റെ ഇന്നിങ്സിന് ദിശാബോധം നൽകിയത് മൂന്നാമതായി ബാറ്റിങ്ങിനിറങ്ങിയ നൈബാണ്. 35 പന്തുകൾ നീണ്ട ഇന്നിങ്സിൽ നൈബ് അടിച്ചുകൂട്ടിയതു മൂന്നു ഫോറുകളും നാല് പടുകൂറ്റൻ സിക്സറുകളുമാണ്. സേദിഖുല്ലാഹ് അടലും ഓപ്പണർ റഹ്മാനുള്ളാഹ് ഗുർബാസും നൈബിനു മികച്ച പിന്തുണ നൽകി.
ന്യൂസീലാൻഡിനായി ലോക്കി ഫെർഗുസൺ 2 വിക്കറ്റുകൾ വീഴ്ത്തി. മികച്ച ടീമാണെങ്കിലും ഇന്ത്യയ്ക്കെതിരായ പരമ്പരയിൽ 4–1ന് തോറ്റ താളം കണ്ടെത്താൻ വിഷമിക്കുന്ന കിവിസിനെ സംബന്ധിച്ച് 183 റൺസ് ഒരു വെല്ലുവിളി തന്നെ ആണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
