ആലത്തൂർ പാടൂരിൽ വീട്ടിൽ കയറി വയോധികക്ക് നേരെ ലൈംഗികാതിക്രമം നടത്തിയ ബിജെപി പ്രവർത്തകനെതിരെ കേസെടുത്തു. ഇന്നലെ രാത്രി നടുറോഡിലിരുന്ന് പരസ്യമായി മദ്യപിച്ച ശേഷമായിരുന്നു അതിക്രമം. കാവശേരി പഞ്ചായത്തിലെ രണ്ടാം വാർഡിലെ ബി ജെ പി ബൂത്ത് പ്രസിഡൻ്റ് സുരേഷാണ് ആക്രമിച്ചത്. സുരേഷ് മണക്കാട് സെൻ്ററിലെ റോഡിലിരുന്ന് മദ്യപിക്കുന്നതിൻ്റെ ദൃശ്യങ്ങളും പുറത്തുവന്നു. ഇന്ന് പുലർച്ചെ മൂന്നുമണിയോടെയാണ് സുരേഷ് ഒറ്റയ്ക്ക് താമസിക്കുന്ന വയോധികയെ ആക്രമിച്ചത്.
‘നീ എൻ്റെ ഭാര്യയല്ലേ’ എന്ന ആക്രോശത്തോടെയാണ് വയോധികയുടെ കഴുത്തിൽ പിടിച്ച് ലൈംഗികാതിക്രമത്തിന് ശ്രമിച്ചത്. സുരേഷും ബി ജെ പി പ്രവർത്തകരും ചേർന്ന് ഡി വൈ എഫ് ഐയുടെ ഫ്ലക്സ് ബോർഡുകളും നശിപ്പിച്ചു. ആലത്തൂർ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. ഒളിവിൽ കഴിയുന്ന സുരേഷിനായി പൊലീസ് അന്വേഷണം ഊർജിതമാക്കിയിട്ടുണ്ട്.
News Summary: BJP Worker Booked in Alathur for Public Drinking and Assault on Elderly Woman
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
