മധ്യപ്രദേശിലെ ശിവപുരി ജില്ലയിൽ പ്രായപൂർത്തിയാകാത്ത പെണ്കുട്ടിയെയും യുവാവിനെയും ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. ജിതേന്ദ്ര ധാക്കഡ് (19) നെ ആണ് പെണ്കുട്ടിക്കൊപ്പം മരിച്ച നിലയിൽ കണ്ടെത്തിയത്. കഴിഞ്ഞ വർഷം ഈ പെൺകുട്ടിയെ ബലാത്സംഗം ചെയ്ത കേസിൽ ജിതേന്ദ്ര ധാക്കഡ് അറസ്റ്റിലായിരുന്നു. അടുത്തിടെ ജാമ്യത്തിലിറങ്ങിയിരുന്നു. ഇതിന് പിന്നാലെയാണ് പെണ്കുട്ടിക്കൊപ്പം മരിച്ച നിലയിൽ കണ്ടെത്തിയത്.
കഴിഞ്ഞ ബുധനാഴ്ച പാടത്തിനടുത്ത് ആത്മഹത്യ ചെയ്ത നിലയിൽ ഇവരുടെ മൃതദേഹങ്ങൾ കണ്ടെത്തിയത്. ഗുഡ റോഡിന് സമീപം ഗ്രാമവാസികളാണ് മൃതദേഹങ്ങൾ ആദ്യം കണ്ടത്. പെൺകുട്ടിയെ കാണാതായതിനെത്തുടർന്ന് 2025 നവംബർ 8-നാണ് മദൻപൂർ സ്വദേശിയായ ജിതേന്ദ്ര ധാക്കഡിനെ പൊലീസ് അറസ്റ്റ് ചെയ്തത്. എന്നാൽ അടുത്തിടെ ഈ കേസിൽ ഇയാൾക്ക് കോടതി ജാമ്യം അനുവദിച്ചിരുന്നു.
മൃതദേഹങ്ങൾ പോസ്റ്റ്മോർട്ടത്തിന് അയച്ച പൊലീസ് എല്ലാ വശങ്ങളും പരിശോധിച്ച് വരികയാണ്. ജാമ്യത്തിലിറങ്ങിയ ശേഷം ഇവർ തമ്മിൽ ബന്ധപ്പെട്ടിരുന്നോ എന്നറിയാൻ ഫോൺ രേഖകളും മറ്റും പൊലീസ് പരിശോധിക്കുന്നുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
