സമൂഹമാധ്യമത്തിൽ പല തരത്തിലുള്ള വീഡിയോകളാണ് ദിവസവും വൈറലായി മാറാറുള്ളത്. അവയിൽ പലതും പക്ഷികളുടേതും മൃഗങ്ങളുടേതും ആയിരിക്കും. ചിലത് ചിന്തിപ്പിക്കുന്നതാണെങ്കിൽ മറ്റുചിലത് കരയിക്കുന്നതും ആയിരിക്കും. ആ കൂട്ടത്തിൽ ചില അതിശയിപ്പിക്കുന്നവയും ഉണ്ടാവും. അത്തരത്തിൽ ഒരു വീഡിയോയെ കുറിച്ചാണ് ഇനി പറയാൻ പോകുന്നത്. തത്തകൾ മനുഷ്യനെപോലെ സംസാരിക്കുന്ന വിഡിയോകൾ പലപ്പോഴും പുറത്തുവരാറുണ്ട്. എന്നാൽ ഒരു കാക്ക അത്തരത്തിൽ സംസാരിച്ചാലോ ? മഹാരാഷ്ട്രയിലെ പാൽഘറിലെ ഒരു കാക്കയുടെ വിഡിയോയാണ് ഇപ്പോൾ ചർച്ചാവിഷയം.
ഇൻസ്റ്റാഗ്രാം, എക്സ്, ലിങ്ക്ഡ്ഇൻ എന്നിവയുൾപ്പെടെയുള്ള സോഷ്യൽ മീഡിയ പ്ലാറ്റ്‌ഫോമുകൾ ഏറ്റെടുത്ത ഒരു വീഡിയോയിൽ, ഒരു കാക്ക മനുഷ്യ വാക്കുകളെ വ്യക്തതയോടെ അനുകരിക്കുന്നതായി കാണാം. വീഡിയോയിൽ, “പപ്പാ, പപ്പാ, പപ്പാ” എന്ന് കാക്ക ആവർത്തിച്ച് പറയുന്നത് കേൾക്കാം, അത് കാണുന്ന എല്ലാവരെയും അത്ഭുതപ്പെടുത്തി. ഈ ക്ലിപ്പ് ആയിരക്കണക്കിന് ആളുകളുടെ ശ്രദ്ധ പിടിച്ചുപറ്റുകയും നിരവധി കാഴ്ചക്കാരെ സൃഷ്ടിക്കുകയും ചെയ്‌തു.
ALSO READ: ‘തൂലിക പടവാൾ ആക്കിയവൻ’; മുരളി ഗോപിയുടെ പോസ്റ്റ് ഏറ്റെടുത്ത് ആരാധകർ
പാല്‍ഘറിലെ വാഡ താലൂക്കിലെ ഒരു പ്രദേശത്ത് തനൂജ മുക്‌നെ എന്ന സ്ത്രീ മൂന്ന് വര്‍ഷങ്ങളായി പരിപാലിച്ച് പോരുന്ന ഒരു കാക്കയാണിതെന്നാണ് റിപ്പോർട്ട്. ഈ കാക്ക ബാബ, മമ്മി എന്നീ വാക്കുകള്‍ കൂടി പറയാറുണ്ടെത്രേ. മൂന്ന് വര്‍ഷം മുന്‍പ് തന്റെ പൂന്തോട്ടത്തില്‍ അവശനിലയില്‍ കണ്ടെത്തിയ കാക്കയെ തനുജ പരിപാലിക്കുകയും ആരോഗ്യത്തിലേക്ക് തിരിച്ചുകൊണ്ടുവരികയുമായിരുന്നു.
ഇപ്പോള്‍ സംസാരിക്കുന്ന കാക്ക നാട്ടുകാര്‍ക്കെല്ലാം കൗതുകകരമായ വിഷയമായി മാറിയിരിക്കുകയാണ്. നിരവധി ആളുകളാണ് വൈറലായ വീഡിയോയ്ക്ക് താഴെ കമന്റുകളുമായെത്തിയത്. ഇപ്പോൾ, എല്ലാവരെയും അത്ഭുതപ്പെടുത്തിക്കൊണ്ട്, കാക്ക കുടുംബാംഗങ്ങളുമായി മനുഷ്യസമാനമായ ശബ്ദത്തിൽ ആശയവിനിമയം നടത്തുന്നു. അസാധാരണമായ സംഭവം ഗ്രാമത്തിൽ കൗതുകകരമായ ഒരു വിഷയമായി മാറിയിരിക്കുകയാണ്.
കാക്കകൾക്ക് അന്യമായ സ്വഭാവവിശേഷങ്ങൾ കാണിക്കുന്ന ഈ അത്ഭുതകരമായ വീഡിയോ വളരെ പെട്ടെന്നാണ് ആളുകൾ ഏറ്റെടുത്തത്. പരിശീലനം ലഭിച്ചാൽ കാക്കകൾക്ക് മനുഷ്യ ശബ്ദങ്ങൾ അനുകരിക്കാൻ കഴിയുമെന്ന് ചിലർ ചൂണ്ടിക്കാണിച്ചെങ്കിലും, വീഡിയോ പലർക്കും വിശ്വസിക്കാൻ കഴിയുന്നതല്ല.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
