ഡെറാഡൂണിൽ ആശുപത്രിയിലെ എ സി പൊട്ടിത്തെറിച്ച് ഒരാള്ക്ക് ദാരുണാന്ത്യം. 16 പേർക്ക് പരുക്കേറ്റു. ഡെറാഡൂണിലെ സ്വകാര്യ ആശുപത്രിയിലാണ് പൊട്ടിത്തെറിയുണ്ടായത്. ഇന്ന് രാവിലെ 9.35 ഓടെ പനേഷ്യ ആശുപതിയിലാണ് സംഭവമുണ്ടായത്. വീരാവതി എന്ന മധ്യവയസ്കയാണ് മരിച്ചത്. ഐ സി യു യൂണിറ്റിലാണ് പൊട്ടിത്തെറിയുണ്ടായത്.
ആ സമയത്ത് 14 രോഗികള് ആശുപത്രിയിൽ ചികിത്സയിലായിരുന്നു. അഞ്ചിൽ നാലുപേർ എങ്കിലും ഐസിയുവിൽ ചികിത്സയിലായിരുന്നുവെന്ന് അധികൃതർ പറഞ്ഞു. ഷോട്ട് സർക്ക്യൂട്ടാണ് അപകടകാരണമെന്നാണ് പ്രാഥമിക നിഗമനം. അപകടത്തിന് പിന്നാലെ, പൊലീസ്, അഗ്നിരക്ഷാ സേനാംഗങ്ങള്, എസ് ഡി ആർ എഫ് സംഘാംഗങ്ങള് എന്നിവർ രക്ഷാപ്രവർത്തനത്തിനായി എത്തിയിരുന്നു. കുടുങ്ങിക്കിടന്ന ഏഴ് അറ്റൻഡർമാർ, സ്റ്റാഫുകള്, രോഗികള് എന്നിവരെ ഇവർ രക്ഷപ്പെടുത്തി.
ALSO READ: വീട്ടുകാർ പറഞ്ഞ സ്ത്രീധനം നൽകാത്തതിൽ വിവാഹം വേണ്ടെന്നുവെച്ചു; ഫത്തേബാദിൽ യുവാവ് അറസ്റ്റിൽ
പുക ശ്വസിച്ചാണ് വീരാവതി മരിച്ചതെന്ന് അധികൃതർ പറഞ്ഞു. അവർ വെൻ്റിലേറ്ററിൽ ചികിത്സയിൽ കഴിയുകയായിരുന്നു. രക്ഷാപ്രവർത്തനത്തിനിടെ മൂന്ന് പൊലീസ് ഉദ്യോഗസ്ഥർക്കും അഗ്നിരക്ഷാ സേനാംഗങ്ങള്ക്കും പരുക്കേറ്റുവെന്ന് അധികൃതർ കൂട്ടിച്ചേർത്തു.
ALSO READ: അയൽവാസിയായ യുവാവിനെ വിവാഹം കഴിക്കണം; ഉത്തർപ്രദേശിൽ 19കാരിയെ പിതാവ് കൊലപ്പെടുത്തി
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
