ഡല്‍ഹി സര്‍വകലാശാല യുജി പ്രവേശനത്തിന്റെ ഇന്‍ഫര്‍മേഷന്‍ ബുള്ളറ്റിന്‍ പ്രസിദ്ധീകരിച്ചു. സിയുഇടി യുജി പരീക്ഷമാത്രമാണ് നാഷണല്‍ ടെസ്റ്റിങ് ഏജന്‍സി നടത്തുക. സീറ്റ് അലോക്കേഷനും പ്രവേശനവും സര്‍വകലാശാല നടത്തും.
ഡല്‍ഹി സര്‍വകലാശാല യുജി പ്രവേശനത്തിന്റെ ഇന്‍ഫര്‍മേഷന്‍ ബുള്ളറ്റിന്‍ admission.uod.ac.in -ല്‍ ആണ് പ്രസിദ്ധീകരിച്ചത്. എല്ലാ പ്രോഗ്രാമുകളിലേക്കും സിയുഇടി യുജി 2025 വഴിയാണ് പ്രവേശനം. ഇതുമായി ബന്ധപ്പെട്ട കൂടുതല്‍ വിവരങ്ങള്‍ അഡ്മിഷന്‍ വെബ്സൈറ്റില്‍ പ്രസിദ്ധീകരിക്കും.
Also Read : മാര്‍ഗദീപം സ്കോളർഷിപ്പ് അപേക്ഷാ സമയം നീട്ടി; വരുമാന പരിധിയും ഉയര്‍ത്തി
സിയുഇടി യുജിക്ക് cuet.nta.nic.in വഴി മാര്‍ച്ച് 22-ന് രാത്രി 11.50 വരെ അപേക്ഷിക്കാം. സീറ്റ് അലോക്കേഷനും പ്രവേശനത്തിനും വിദ്യാര്‍ഥികള്‍ സര്‍വകലാശാലയുടെ കോമണ്‍ സീറ്റ് അലോക്കേഷന്‍ സിസ്റ്റം (സിഎസ്എഎസ് യുജി) വഴി അപേക്ഷിക്കണം.
മാര്‍ഗദീപം സ്കോളർഷിപ്പ് അപേക്ഷാ സമയം നീട്ടി; വരുമാന പരിധിയും ഉയര്‍ത്തി
സര്‍ക്കാര്‍/ എയ്ഡഡ് സ്‌കൂളുകളിലെ ഒന്ന് മുതല്‍ എട്ട് വരെ ക്ലാസുകളിലെ വിദ്യാര്‍ഥികള്‍ക്കുള്ള പ്രീ- മെട്രിക് സ്‌കോളര്‍ഷിപ്പ് പദ്ധതിയായ മാര്‍ഗദീപം പദ്ധതിക്ക് അപേക്ഷ സമര്‍പ്പിക്കാനുള്ള വരുമാന പരിധി രണ്ടര ലക്ഷമാക്കി ഉയര്‍ത്തി. നിലവില്‍, ഒരു ലക്ഷം രൂപയായിരുന്നു. അപേക്ഷിക്കാനുള്ള തീയതി മാര്‍ച്ച് 15 വരെ നീട്ടുകയും ചെയ്തു.
മാര്‍ഗദീപം സ്‌കോളര്‍ഷിപ്പ് 30 ശതമാനം പെണ്‍കുട്ടികള്‍ക്കായി സംവരണം ചെയ്തിട്ടുണ്ട്. പെണ്‍കുട്ടികളുടെ അഭാവത്തില്‍ ആണ്‍കുട്ടികളെ പരിഗണിക്കും. margadeepam.kerala.gov.in എന്ന വെബ് പോര്‍ട്ടലിലൂടെ അപേക്ഷിക്കാം. അര്‍ഹരായ മുഴുവന്‍ വിദ്യാര്‍ഥികള്‍ക്കും സ്‌കോളര്‍ഷിപ്പ് നല്‍കുമെന്ന് ന്യൂനപക്ഷക്ഷേമ മന്ത്രി വി അബ്ദുറഹിമാന്‍ പറഞ്ഞു. മാര്‍ഗദീപത്തിനായി 20 കോടി രൂപ സംസ്ഥാന സര്‍ക്കാര്‍ വകയിരുത്തിയിട്ടുണ്ട്.
ന്യൂനപക്ഷ വിദ്യാര്‍ഥികള്‍ക്കുള്ള പ്രീ- മെട്രിക് സ്‌കോളര്‍ഷിപ്പ് നല്‍കുന്നതില്‍ നിന്ന് കേന്ദ്രസര്‍ക്കാര്‍ പിന്മാറിയ സാഹചര്യത്തിലാണ് സംസ്ഥാന സര്‍ക്കാര്‍ പുതിയ പദ്ധതി നടപ്പാക്കിയത്. ന്യൂനപക്ഷങ്ങള്‍ക്ക് അനുവദിച്ചു വരുന്ന ഒരു സഹായവും നിര്‍ത്തലാക്കില്ലെന്ന് മന്ത്രി വി അബ്ദുറഹിമാന്‍ വ്യക്തമാക്കി. കൂടുതല്‍ വിവരങ്ങള്‍ക്ക്: 0471 2300524, 04712302090, 04712300523 എന്നീ നമ്പറുകളില്‍ ബന്ധപ്പെടാം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
