‘ഇങ്ങോട്ട് വരല്ലേ!’; യുകെയിലേക്ക് വരാനാഗ്രഹിക്കുന്ന വിദ്യാർഥികൾക്ക് മുന്നറിയിപ്പ് നൽകി ഇന്ത്യൻ പ്രൊഫഷണൽ

യുകെയിൽ ബിരുദാനന്തര ബിരുദം നേടാൻ ആഗ്രഹിക്കുന്ന വിദ്യാർത്ഥികൾക്ക് മുന്നറിയിപ്പ് നൽകി എക്‌സിൽ പോസ്റ്റ് ഒരു ഇന്ത്യൻ പ്രൊഫഷണൽ ഇട്ട പോസ്റ്റ് വൈറലായി. തൊഴിൽ വിപണിയിലെ കടുത്ത നിയന്ത്രണങ്ങളും കുടിയേറ്റ മാനദണ്ഡങ്ങൾ കർശനമാക്കുന്നതും കാരണം മിക്കവരും തൊഴിലില്ലാതെ നാട്ടിലേക്ക് മടങ്ങുന്നുവെന്ന് മാർക്കറ്റിങ് പ്രൊഫഷണലായ ജാൻവി ജയിൻ പറഞ്ഞു. തന്റെ ബാച്ച്‌മേറ്റുകളിൽ ഏകദേശം 90% പേർക്കും തൊഴിൽ ഉറപ്പാക്കാൻ കഴിയാത്തതിനാൽ സ്വന്തം രാജ്യങ്ങളിലേക്ക് മടങ്ങാൻ നിർബന്ധിതരായതായും ജാൻവി വെളിപ്പെടുത്തി.

“യുകെയിലേക്ക് മാസ്റ്റേഴ്‌സിനായി വരുന്നതിനെക്കുറിച്ച് ധാരാളം ആളുകൾ എനിക്ക് മെസ്സേജ് അയയ്ക്കുന്നുണ്ട് – ഞാൻ നിങ്ങളോട് പറയും വരരുതെന്ന്. എന്റെ ബാച്ചിലെ 90% പേർക്കും ജോലിയില്ലാത്തതിനാൽ തിരികെ പോകേണ്ടിവന്നു. നിങ്ങളുടെ പക്കൽ പണമില്ലെങ്കിൽ, യുകെയിലേക്ക് വരുന്നത് പരിഗണിക്കരുത്.” – ജാൻവി എ‍ഴുതുന്നു.

ALSO READ; ഫോക്കസ് പോയിൻ്റിലൂടെ അഭിരുചികൾക്കനുസരിച്ച് കോഴ്സുകൾ തെരഞ്ഞെടുക്കാൻ വിദ്യാർഥികൾക്ക് അവസരം: മന്ത്രി വി ശിവൻകുട്ടി

വിസ നയങ്ങൾ കർശനമാക്കുകയും കമ്പനികൾ വർക്ക് പെർമിറ്റുകൾ സ്പോൺസർ ചെയ്യുന്നതിനി നിയന്ത്രണം വരുത്തുകയും ചെയ്യുന്ന സാഹചര്യത്തിൽ, ജാൻവിയുടെ പോസ്റ്റ് വിദ്യാർഥികൾക്കിടയിൽ വ്യാപക ചർച്ചക്ക് വ‍ഴിയൊരുക്കി. വിദേശ രാജ്യങ്ങളില്‍ നിന്നുള്ള കുടിയേറ്റം നിയന്ത്രിക്കുന്നതിനു കടുത്ത മാര്‍ഗ നിര്‍ദേശങ്ങളുമായി കെയര്‍ സ്റ്റാർമെര്‍ സര്‍ക്കാരിന്‍റെ ധവളപത്രം പുറത്തിറങ്ങിയിരുന്നു.

പഠനത്തിന് ശേഷം യുകെയിൽ സ്ഥിരതാമസം ആക്കാനുള്ള വിദ്യാർത്ഥികളുടെ ആഗ്രഹങ്ങൾക്കാണ് കരിനിഴൽ വീഴുന്നത്. പൗ​ര​ത്വം ല​ഭി​ക്ക​ണ​മെ​ങ്കി​ൽ അ​ഞ്ചു വ​ർ​ഷ​ത്തി​നു പ​ക​രം പ​ത്ത് വ​ർ​ഷം വ​രെ കാ​ത്തി​രി​ക്ക​ണം എ​ന്ന​ത​ട​ക്ക​മു​ള്ള ന​യ​ങ്ങ​ളാ​ണ് നടപ്പാ​ക്കാൻ ഒരുങ്ങുന്നത്. അ​ഞ്ചു വ​ർ​ഷ​ത്തേ​ക്ക് യുകെ​യി​ൽ താ​മ​സി​ക്കു​ന്ന ഇ​ന്ത്യ​ക്കാ​ർ ഉ​ൾ​പ്പെ​ടെ ഏ​തൊ​രാ​ൾ​ക്കും സ്വാ​ഭാ​വി​ക​മാ​യി പൗ​ര​ത്വ​വും ന​ൽ​കു​ന്ന സം​വി​ധാ​നവും അ​വ​സാ​നി​പ്പി​ക്കും.