കിണറ്റിൽ വിചിത്ര തലയോട്ടി; അധികമാരും അറിയാത്ത ഡ്രാഗൺമാന്റെ കഥ!

മനുഷ്യരുടെ ഉത്ഭവത്തെക്കുറിച്ച് പലതരം സംശയങ്ങളും അഭ്യൂഹങ്ങളും നിലവിലുണ്ട്. പരിണാമസിന്ധാന്തം ഒരു പരിധിവരെ ഈ സംശയങ്ങൾക്കുത്തരം നൽകിയിട്ടുണ്ടെങ്കിലും പല അഭ്യൂഹങ്ങളും ഇന്നും നിലനിൽക്കുന്നുണ്ട്. ഡെനിസോവൻ, ഹോമോ ഇറക്ടസ് തുടങ്ങിയ വിഭാഗങ്ങളെ കുറിച്ച് പല ശാസ്ത്രജ്ഞരും കണ്ടെത്തുകയും ഇന്നും ഗവേഷണം നടത്തിവരികയുമാണ്. ഇതിൽ വ്യത്യസ്തമായ ഒരു വിഭാഗമാണ് ഡ്രാഗൺമാൻ.

ALSO READ: വ്യായാമത്തിനിടെ വ്യവസായിക്ക് ഹൃദയാഘാതം; രക്ഷകനായി സ്മാർട്ട് വാച്ച്

ഡ്രാഗൺമാനെ കുറിച്ച് ലോകത്തിനു വിവരം ലഭിച്ചിട്ട് രണ്ടുവർഷത്തോളമേ ആകുന്നുള്ളു. 90 വർഷത്തോളമായി ചൈനയിലെ ഒരു കിണറ്റിൽ ഒളിപ്പിച്ച ഭീമാകാരമായ തലയോട്ടിയാണ് 2018 ൽ കണ്ടെത്തിയത്. ഗവേഷകർ പറയുന്നതനുസരിച്ച്, ജാപ്പനീസ് അധിനിവേശ കാലത്ത് വടക്കൻ ചൈനീസ് നഗരമായ ഹാർബിനിൽ പാലം പണിയുന്നതിനിടെ 1933 ൽ ചില ചൈനീസ് തൊഴിലാളികളാണ് തലയോട്ടി കണ്ടെത്തിയത്. അധിനിവേശക്കാരായ ജാപ്പനീസ് സൈന്യത്തിന്‌റെ പക്കൽ ഈ തലയോട്ടി എത്താതിരിക്കാനായി തൊഴിലാളികളിലൊരാൾ അത് തന്റെ വീടിനു പിന്നിലെ കിണറ്റിൽ ഒളിപ്പിക്കുകയായിരുന്നു.

ALSO READ: താത്പര്യമില്ലാത്തവര്‍ രാജിവെച്ച് പുറത്തുപോകണം; കോണ്‍ഗ്രസ് പ്രവര്‍ത്തകരോട് സുധാകരന്‍

തലയോട്ടിയെക്കുറിച്ച് ഒരു നിഗമനത്തിലെത്തുന്നതിന് മുമ്പ് ധാരാളം പഠിക്കാനുണ്ടെങ്കിലും, അത് മനുഷ്യരാശിയിലെ ഒരു പുതിയ ഇനമായി വേറിട്ടുനിൽക്കുകയാണെങ്കിൽ, അത് നിയാണ്ടർത്തലുകളും ആധുനിക മനുഷ്യരും തമ്മിൽ ബന്ധിപ്പിക്കുന്ന ഒരു കണ്ണിയായിരിക്കാം എന്നാണ് ഗവേഷകരുടെ നിഗമനം.