ഈ ഉണക്ക ചെമ്മീൻ തോരൻ മാത്രം മതി നിങ്ങൾ ഒരു പറ ചോറുണ്ണും!! തയ്യാറാക്കുന്ന വിധം എങ്ങനെയെന്ന് നോക്കാം

ഉച്ചയൂണിന് ഒരേ തരം കറികൾ കഴിച്ചു മടുത്തവർക്കായി ഇതാ ഒരു കിടിലൻ ഐറ്റം. ഉണക്ക ചെമ്മീൻ കൊണ്ടുള്ള ഈ തോരൻ ഉണ്ടെങ്കിൽ മറ്റൊരു കറിയുടെയും ആവശ്യമില്ല. ഒരു പറ ചോറുണ്ണാം! ഉച്ചയൂണിന് വളരെ എളുപ്പത്തിൽ എങ്ങനെ രുചികരമായ ഉണക്കച്ചെമ്മീന്‍ തോരന്‍ ഉണ്ടാക്കാം എന്ന് നോക്കിയാലോ ?

ആവശ്യമായ ചേരുവകൾ

ഉണക്ക ചെമ്മീന്‍ – 1/4 കിലോ
പച്ച മാങ്ങ – 3 എണ്ണം (തൊലികളയാതെ ചെറിയ കഷണങ്ങളാക്കിയത്)
സവാള – 1 എണ്ണം (നീളത്തില്‍ അരിഞ്ഞത്)
ചെറിയ ഉള്ളി -1 കപ്പ് (ചെറുതായി അരിഞ്ഞത്)
വെളുത്തുള്ളി – 10 അല്ലി
പച്ചമുളക് – 4,5 എണ്ണം (നീളത്തില്‍ അരിഞ്ഞത്)
തേങ്ങ ചിരകിയത് – 1/2 കപ്പ്
ജിരകം – 1/2 ടിസ്പൂണ്‍
മുളക്പൊടി – 1 ടിസ്പൂണ്‍
മല്ലിപൊടി 1 ടിസ്പൂണ്‍
മഞ്ഞള്‍പൊടി – 1/2 ടിസ്പൂണ്‍
കറിവേപ്പില – ആവശ്യത്തിന്
വറ്റല്‍മുളക് – 2 , 3 എണ്ണം
വെളിച്ചെണ്ണ – ആവശ്യത്തിന്
ഉപ്പ് – ആവശ്യത്തിന്

തയ്യാറാക്കുന്ന വിധം :

തേങ്ങ ചിരകിയത് , ജീരകം, മുളക് പൊടി, മല്ലിപൊടി, വെളുത്തുള്ളി, മഞ്ഞൾ എന്നിവ മിക്സിയിലിട്ട് ചതച്ച് എടുക്കുക. ഫ്രയിംഗ് പാനില്‍ 2 ടീസ്പൂണ്‍ വെളിച്ചെണ്ണ ഒഴിച്ച് വറ്റല്‍ മുളക്, കടുക് അതില്‍ തന്നെ ഉണക്ക ചെമ്മീൻ എന്നിവ വറുത്ത് എടുക്കുക. അതിലേക്ക് ചെറിയ ഉള്ളി ഇട്ട് ഗോള്‍ഡന്‍ കളര്‍ ആകും വരെ വഴറ്റുക. ശേഷം 2 കപ്പ് വെള്ളം ഒഴിച്ച് തിളച്ചു വരുമ്പോള്‍ തയാറാക്കി വച്ചിരിക്കുന്ന അരപ്പ് ആവശ്യത്തിന് ഉപ്പ് ചേര്‍ത്ത് പച്ചമുളക്, സവാള, പച്ച മാങ്ങ കഷ്ണം കൂടി ചേര്‍ത്ത് ഇളക്കി വറ്റിച്ചെടുക്കാം. കുറച്ച് വെളിച്ചെണ്ണയും മുകളിലൊഴിച്ച് കറിവേപ്പിലയും ചേർത്താൽ രുചിയേറിയ ഉണക്ക ചെമ്മീൻ തോരൻ റെഡി.