കുവൈറ്റിലെ അഹമ്മദ് അല്-ജാബര് വ്യോമതാവളത്തിൽ ഡ്രോൺ ആക്രമണം നടന്നതായി പ്രതിരോധ മന്ത്രാലയത്തിന്റെ ഔദ്യോഗിക വക്താവ് കേണല് സൗദ് അല്-അത്വാന് അറിയിച്ചു. രണ്ട് ഡ്രോണുകൾ പതിച്ച് വ്യോമതാവള പരിസരങ്ങളിൽ നാശനഷ്ടങ്ങൾ സംഭവിച്ചതായും അദ്ദേഹം വ്യക്തമാക്കി.
Also read : ഖത്തറിന്റെ സുരക്ഷാ ക്രമീകരണങ്ങളെ പ്രശംസിച്ച് ഇന്ത്യൻ അംബാസിഡർ
സംഭവത്തിൽ സായുധ സേനയിലെ മൂന്ന് അംഗങ്ങൾക്ക് നിസാര പരിക്കേറ്റതായി അല്-അത്വാന് അറിയിച്ചു. പരുക്കേറ്റ സേനാംഗങ്ങൾക്ക് ആവശ്യമായ ചികിത്സ ലഭിച്ചിട്ടുണ്ട്, അവരുടെ ആരോഗ്യനില തൃപ്തികരമാണെന്നും അദ്ദേഹം കൂട്ടിച്ചേർത്തു. കഴിഞ്ഞ 24 മണിക്കൂറിനിടെ രാജ്യത്തിന്റെ വ്യോമാതിർത്തിയില് ഏഴ് ഡ്രോണുകൾ കണ്ടെത്തിയതായി അല്-അത്വാന് വിശദീകരിച്ചു. അവയില് മൂന്ന് ഡ്രോണുകൾ പ്രതിരോധ സംവിധാനങ്ങൾ വെടിവെച്ച് തകർത്തതായും, രണ്ട് ഡ്രോണുകൾ മേഖലയ്ക്ക് പുറത്തായി വീണതായും അദ്ദേഹം വ്യക്തമാക്കി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
