കോഴിക്കോട് നഗരത്തിൽ ഡാൻസാഫ് സംഘത്തിന്റെ രാസലഹരി വേട്ട തുടരുന്നു. 151 ഗ്രാം വരുന്ന എംഡി എം എയുമായി കോഴിക്കോട് യുവാവ് പിടിയിൽ. രാമനാട്ടുകര ഇടിമുഴിക്കൽ സ്വദേശി അൽത്താഫാണ് പൊലീസ് പിടിയിലായത്. കല്ലമ്പാറ കല്ല് വളപ്പിൽ ഭാഗത്ത് ഇയാൾ വിൽപ്പനയ്ക്ക് എത്തിച്ച എംഡി എം എ ആണ് ഡാൻസാഫ് സംഘം പിടികൂടിയത്. കോഴിക്കോട് സിറ്റി ഡാൻസാഫും ഫറോക്ക് പോലീസും ചേർന്നായിരുന്നു പരിശോധന നടത്തിയത്.
ഇക്കഴിഞ്ഞ ദിവസമാണ് കാസർകോട് മഞ്ചേശ്വരത്ത് 48 ഗ്രാം എംഡിഎംഎയുമായി മൂന്ന് പേരെ പിടികൂടിയത്. ആലംപാടി സ്വദേശി സഹൽ, എറണാകുളം സ്വദേശി അരുൺ കുമാർ, വടകര സ്വദേശി അനുഷ് എന്നിവരാണ് പോലീസിന്റെ പിടിയിലായത്. ലഹരിമരുന്ന് കാറിൽ കടത്തുന്നതിനിടെയാണ് ഇവരെ പൊലീസ് പിടികൂടിയത്.
പോലീസും ഡാൻസാഫ് സംഘവും വാഹന പരിശോധന നടത്തുമ്പോഴാണ് പ്രതികൾ സഞ്ചരിച്ച സ്വിഫ്റ്റ് കാറിൽ നിന്ന് എംഡിഎംഎ കണ്ടെടുത്തത്. ബംഗളുരുവിൽ നിന്നാണ് ലഹരിവസ്തുക്കൾ എത്തിച്ചതെന്ന് ആണ് പ്രാഥമിക റിപ്പോർട്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
