പ്രധാനമന്ത്രി നരേന്ദ്ര മോദി കേരളത്തെ അപമാനിക്കുയാണ് ചെയ്തതെന്നും അടിസ്ഥാന രഹിതമായ കാര്യങ്ങളാണ് പ്രധാനമന്ത്രി പറഞ്ഞതെന്നും എല്‍ഡിഎഫ് കണ്‍വീനര്‍ ഇ പി ജയരാജന്‍. വാഗ്ദാന ലംഘനത്തിന്റെ പ്രതിരൂപമാണ് മോദി. മോദി സംഘ പരിവാറിന്റെ മാത്രം പ്രധാനമന്ത്രിയാണോ എന്ന് ചോദിച്ച ഇ പി ജയരാജന്‍ കോണ്‍ഗ്രസിന് പാല്‍പായസം കിട്ടിയത് പോലെയാണ് പ്രധാനമന്ത്രിയുടെ പ്രസംഗത്തെ കണ്ടതെന്നും പരിഹസിച്ചു.
കൃത്യനിര്‍വഹണത്തില്‍ വീഴ്ച വരുത്തിയ പൊലീസ് എം വിജിന്‍ എംഎല്‍എയെ അപമാനിക്കുകയാണ് ചെയ്തതെന്ന് എല്‍ഡിഎഫ് കണ്‍വീനര്‍ ഇ പി ജയരാജന്‍ കൂട്ടിച്ചേര്‍ത്തു. പൊലീസിന്റേത് ഗുരുതര വീഴ്ചയാണെന്നും അദ്ദേഹം പറഞ്ഞു. വ്യാഴാഴ്ച കണ്ണൂരില്‍ നടന്ന സംഭവത്തില്‍ പൊലീസ് കൃത്യനിര്‍വഹണത്തില്‍ ഗുരുതര വീഴ്ച വരുത്തി.
Also Read : യാത്രക്കാരുടെ ശ്രദ്ധയ്ക്ക്; കേരളത്തിലേക്കുള്ള ഈ ട്രെയിനുകള്‍ റദ്ദാക്കി, ചില ട്രെയിനുകളില്‍ സമയമാറ്റം
കലക്ടറേറ്റിന്റെ ചുമതലയുള്ള പൊലീസ് ഉത്തരവാദിത്തം നിര്‍വഹിച്ചില്ല. ശാന്തനായ എംഎല്‍എയോട് പൊലീസ് അപമര്യാദയായി പെരുമാറി. വീഴ്ച മറച്ചുവെക്കാന്‍ പ്രകോപനമുണ്ടാക്കിയത് പൊലീസാണെന്നും ഇ പി ജയരാജന്‍ പറഞ്ഞു. കേരളത്തിലെ പൊലീസിനെ അപകീര്‍ത്തിപ്പെടുത്താന്‍ ബോധപൂര്‍വ്വം ഉണ്ടാക്കുന്ന പ്രവര്‍ത്തിയാണെന്നും അദ്ദേഹം കൂട്ടിചേര്‍ത്തു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
