ഈദ് അൽ-അദ്ഹ അവധിക്കാലത്തെ പ്രവർത്തന സമയങ്ങൾ പ്രഖ്യാപിച്ചു

ദുബായ് ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്സ് അഫയേഴ്സ് (GDRFA) ഈദ് അൽ-അദ്ഹ അവധിക്കാലത്തെ പ്രവർത്തന സമയങ്ങൾ പ്രഖ്യാപിച്ചു. ജൂൺ 5 വ്യാഴാഴ്ച അവധി ആരംഭിക്കുകയും ജൂൺ 9 തിങ്കളാഴ്ച പ്രവർത്തി പുനരാരംഭിക്കുകയും ചെയ്യും.

ദുബായ് അന്താരാഷ്ട്ര വിമാനത്താവളത്തിലെ ടെർമിനൽ 3 യിലെ കസ്റ്റമർ ഹാപ്പിനസ് സെന്റർ അവധിക്കാലത്ത് 24 മണിക്കൂറും പ്രവർത്തിക്കുമെന്ന് ഡയറക്ടറേറ്റ് അറിയിച്ചു. അൽ അവിർ കസ്റ്റമർ ഹാപ്പിനസ് സെന്റർ എല്ലാ ദിവസവും രാവിലെ 6:00 മുതൽ രാത്രി 10:00 വരെ തുറന്നിരിക്കുമെന്നും ജി ഡി ആർ എഫ് എ വ്യക്തമാക്കി.

Also read: ദുബായ് മെട്രോ ബ്ലൂ 2029ന് ഓടിത്തുടങ്ങും

ജി ഡി ആർ എഫ് എ ദുബായുടെ ഡിജിറ്റൽ സേവന പ്ലാറ്റ്‌ഫോമുകൾ മുഴുവൻ സമയവും ലഭ്യമാകും. ഔദ്യോഗിക വെബ്സൈറ്റായ http://www.gdrfad.gov.ae, ദുബായ് നൗ, GDRFA DXB സ്മാർട്ട് ആപ്പുകൾ എന്നിവ വഴി ഉപഭോക്താക്കൾക്ക് ഇടപാടുകൾ പൂർത്തിയാക്കാൻ സാധിക്കും. കൂടുതൽ വിവരങ്ങൾക്കും സംശയങ്ങൾക്കും 24 മണിക്കൂറും പ്രവർത്തിക്കുന്ന ടോൾ ഫ്രീ നമ്പറായ 8005111 വിളിക്കാം.