പൂർവ്വവൈരാഗ്യത്തിന്റെ പേരിൽ വയോധികനെ അയൽവാസിയും കുടുംബാംഗങ്ങളും ചേർന്ന് ക്രൂരമായി മർദ്ദിച്ചു. പാണാവള്ളി പഞ്ചായത്ത് അഞ്ചാംവാർഡ് തൃച്ചാറ്റുകുളം കുഴിപ്പറന്പ് നികർത്തിൽ വിജയനെയാണ് (64) കെട്ടിയിട്ട് മർദ്ദിച്ചത്. തടയാനെത്തിയ കുടുംബാംഗങ്ങൾക്കും മർദ്ദനമേറ്റു. അയൽവാസിയായ സത്താറും കുടുംബാംഗങ്ങളുമാണ് മർദ്ദിച്ചത്. ഇവർക്കെതിരെ പൂച്ചാക്കൽ പൊലീസ് കേസെടുത്തിട്ടുണ്ട്. സത്താറും കുടുംബവും വിജയനെ നേരത്തെ ആക്രമിച്ച കേസ് കോടതിയിലാണ്. ഇതിന്റെ വിരോധത്തിലായിരുന്നു ആക്രമണം. നിലവിൽ പ്രതികൾ ഒളിവിലാണ്.
also read: വ്യജരേഖ ചമച്ച് അവയവദാന തട്ടിപ്പ്, മുഖ്യപ്രതി നജീബ് ഗാസിയാബാദിൽ പിടിയിലായി
വിജയനെ വലിച്ചിഴച്ച് പ്രതികളുടെ വീട്ടുമുറ്റത്ത് എത്തിച്ച് ക്രൂരമായി ആക്രമിക്കുകയായിരുന്നുവെന്നാണ് എഫ്ഐആറിൽ പറയുന്നത്.ഉടുമുണ്ടുരിഞ്ഞും തെങ്ങിൽ കെട്ടിയിട്ടാണ് ആക്രമിച്ചത്. വിജയന്റെ മൂക്കിന്റെ അസ്ഥി പൊട്ടിയത് ഉൾപ്പെടെ മാരക പരിക്കേറ്റിട്ടുണ്ട്. ക്രൂരമർദന ദൃശ്യം സോഷ്യൽ മീഡിയയിൽ വ്യാപകമായി പ്രചരിക്കുകയാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
