വീട്ടാവശ്യത്തിനുളള സാധനങ്ങളുമായി പോകവേ റോഡിൽ ആന; പാലോട് കാട്ടാന ആക്രമണത്തിൽ രണ്ട് പേർക്ക് പരുക്ക്

പാലോട് -മടത്തറ – വേങ്കല്ലയിൽ കാട്ടാന ആക്രമണം. ആനയുടെ ആക്രമണത്തിൽ സ്കൂട്ടർ യാത്രക്കാരായ രണ്ട് പേർക്ക് പരുക്കുണ്ട്. ഇവർ സഞ്ചരിച്ച സ്കൂട്ടർ കാട്ടാന തകർത്തു.

ശാസ്താംനട സ്വദേശികളായ സുധി (32) , രാജീവ് (40) എന്നിവർക്കാണ് പരുക്ക് പറ്റിയത്.ജോലി കഴിഞ്ഞ് വീട്ടാവശ്യത്തിന് ഉളള സാധനങ്ങളുമായി വീട്ടിലേക്ക് പോകുന്ന വഴിയിൽ ചെക്ക്പോസ്റ്റ് കഴിഞ്ഞ് ശാസ്താംനട ക്ഷേത്രത്തിന് തൊട്ടു മുമ്പാണ് കാട്ടാനയുടെ മുന്നിൽപ്പെട്ടത്. റോഡിൽ ഒറ്റയാൻ കയറി നിൽക്കുയായിരുന്നു.

ALSO READ; ലാൻഡ് ചെയ്ത ശേഷം തലകീഴായി മറിഞ്ഞു; കാനഡയിൽ വിമാനാപകടത്തിൽ നിരവധി പേർക്ക് പരുക്ക്

ഇവർ ഓടി രക്ഷപ്പെട്ടുന്നതിനിടെയാണ് ഒരാൾക്ക് കാലിൽ പരിക്ക് പറ്റിയത്.ഇതിനിടെ സ്കൂട്ടറിന്റെ ഒരു ഭാഗം കാട്ടാന തകർത്തു.പരുക്കേറ്റവരെ കുളത്തൂപ്പുഴ പ്രാഥമിക ആരോഗ്യ കേന്ദ്രത്തിൽ പ്രവേശിപ്പിച്ചു.

കഴിഞ്ഞ് രണ്ട് ദിവസം മുമ്പ് ശാസ്താം നടയിൽ നിന്നും 8 കിലോമീറ്റർ മാറി വനത്തിൽ ബാബു എന്നയാളെ കാട്ടാന കൊന്നിരുന്നു.

ENGLISH NEWS SUMMARY: Wild elephant attack in Palode – Madathara – Venkalla. Two scooter passengers were injured in the elephant attack. The scooter they were riding was crushed by the wild elephant.