സാന്‍ഫ്രാന്‍സിസ്‌കോ: പുതിയ പ്രഖ്യാപനവുമായി ട്വിറ്റര്‍ സിഇഒ ഇലോണ്‍ മസ്ക്. ട്വിറ്ററിനായി ഞാന്‍ പുതിയ ചീഫ് എക്‌സിക്യുട്ടീവ് ഓഫീസറെ കണ്ടെത്തിയെന്നും അവര്‍ ആറ് ആഴ്ചകള്‍ക്കുള്ളില്‍ ചുമതല ഏറ്റെടുക്കുെമന്നും ഇലോണ്‍ മസ്ക് ട്വീറ്റ് ചെയ്തു. എന്നാല്‍ പുതിയ സിഇഒ യുടെ പേര് അദ്ദേഹം വെളിപ്പെടുത്തിയിട്ടില്ല.
പുതിയ സിഇഒ വരുന്നതോടെ താന്‍ സോഷ്യല്‍ മീഡിയയുടെ ചീഫ് ടെക്‌നോളജി ഒഫീസറെന്ന ചാര്‍ജ് ഏറ്റെടുക്കുമെന്നും അദ്ദേഹം പറഞ്ഞു.
Excited to announce that I’ve hired a new CEO for X/Twitter. She will be starting in ~6 weeks!
My role will transition to being exec chair & CTO, overseeing product, software & sysops.
— Elon Musk (@elonmusk) May 11, 2023
അതേസമയം വോള്‍ സ്ട്രീറ്റ് ജേണലിന്റെ റിപ്പോര്‍ട്ട് പ്രകാരം കോംകാസ്റ്റ് എന്‍ബിസി യൂണിവേഴ്‌സല്‍ (Comcast NBCUniveral) എക്‌സിക്യുട്ടീവ് ലിന്‍ഡ യക്കാരിനോ (Linda Yaccarino) ട്വിറ്ററുമായി ചര്‍ച്ച നടത്തിയതായാണ് വിവരം.
കഴിഞ്ഞ ഒക്ടോബറിലാണ് 44 ബില്ല്യണ്‍ ഡോളറുകള്‍ക്ക് മസ്ക് ട്വിറ്റര്‍ സ്വന്തമാക്കുന്നത്. നല്ലൊരു വിഡ്ഢിയെ കണ്ടെത്തിയാല്‍ ഉടനെ അയാളെ സിഇഒ ആയി നിയമിക്കുമെന്നും താന്‍ സ്ഥാനമൊഴിയുമെന്നും കഴിഞ്ഞ ഡിസംബറില്‍ അദ്ദേഹം പ്രഖ്യാപിച്ചിരുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ താഴെ ലിങ്കില്‍ ക്ലിക്ക് ചെയ്യുക.
Click Here
