പ്രേക്ഷകർ ഏറെ ആകാംഷയോടെ കാത്തിരിക്കുന്ന പൃഥ്വിരാജ് -മോഹൻലാൽ കൂട്ടുകെട്ടിൽ ഒരുങ്ങുന്ന എമ്പുരാൻ. ചിത്രത്തിന്റേതായി വരുന്ന ഓരോ അപ്ഡേറ്റുകളും ആരാധകർ ഏറെ ആവേശത്തോടെയാണ് സ്വീകരിക്കുന്നത്. ഇപ്പോഴിതാ ചിത്രത്തിലെ ശ്രീലേഖ എന്ന കഥാപത്രത്തെ അവതരിപ്പിക്കുന്ന ശിവദയുടെ ക്യാരക്റ്റർ പോസ്റ്റർ പുറത്ത് വിട്ടിരിക്കുകയാണ് ആരാധകർ. സിനിമയുടെ ഷൂട്ടിംഗ് അനുഭവം ശിവദ പങ്കുവെയ്ക്കുന്നൊരു വീഡിയോയും പങ്കുവെച്ചിട്ടുണ്ട്. ക്യാരക്ടർ നമ്പർ 35 എന്ന ക്യാപ്ഷനോടുകൂടി പൃഥ്വിരാജ് ഈ വീഡിയോ പങ്കുവെച്ചു.
ചിത്രത്തിൽ ഇന്ദ്രജിത് അവതരിപ്പിക്കുന്ന ഗോവർദ്ധൻ എന്ന കഥാപാത്രത്തിന്റെ ഭാര്യ വേഷമാണ് ശിവദക്ക്. എമ്പുരാൻ എന്ന സിനിമയിലെ 35-മത്തെ ക്യാരക്ടർ പോസ്റ്ററാണ് ഇത്. വരും ദിവസങ്ങളിൽ ചിത്രത്തിലെ 36 കഥാപാത്രങ്ങളെ പ്രേക്ഷകർക്ക് പരിചയപ്പെടുത്തുമെന്ന് അറിയിച്ച് പൃഥ്വിരാജ് പങ്കുവെച്ച സോഷ്യൽമീഡിയ പോസ്റ്റും ശ്രദ്ധേയമായിരുന്നു. മാർച്ച് 27 ന് ആണ് ‘എമ്പുരാൻ’ റിലീസ് ചെയ്യുന്നത്.
Character No: 35.
— Mohanlal (@Mohanlal) February 9, 2025
Presenting Sshivada as Sreelekha in #L2E #EMPURAANhttps://t.co/Y5x4Bkhb9y
Malayalam | Tamil | Telugu | Kannada | Hindi#March27@PrithviOfficial #muraligopy @antonypbvr @aashirvadcine @Subaskaran_A @LycaProductions @gkmtamilkumaran @prithvirajprod… pic.twitter.com/DC5gCIyzoW
also read: 36 കഥാപാത്രങ്ങൾ, 18 ദിവസം, നാളെ മുതൽ: അപ്ഡേഷൻ പങ്കുവെച്ച് പൃഥ്വിരാജ്
ആദ്യ ഭാഗമായ ലൂസിഫറിലെ അഭിനേതാക്കളായ മഞ്ജു വാര്യർ, ടൊവിനോ തോമസ്, സാനിയ അയ്യപ്പൻ, സായ് കുമാർ, ഇന്ദ്രജിത് സുകുമാരൻ, ബൈജു എന്നിവർക്കൊപ്പം സുരാജ് വെഞ്ഞാറമൂട്, ഷൈൻ ടോം ചാക്കോ, ഷറഫുദ്ദീൻ, അർജുൻ ദാസ് എന്നിങ്ങനെ പുതിയ താരങ്ങളും ചിത്രത്തിലുണ്ട്. ലൈക്ക പ്രൊഡക്ഷൻസും ആശിർവാദ് സിനിമാസും ചേർന്നാണ് എമ്പുരാൻ നിർമിക്കുന്നത്.
.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
