“ആ ഈഗോ ഞാൻ തകർത്തു, അതുകൊണ്ടാണ് തമിഴിലേക്ക് പോയത്!”; നായകന്മാരുടെ ഈഗോയെക്കുറിച്ച് തുറന്നടിച്ച് ഉർവശി

മലയാള സിനിമയിലെ പെൺകരുത്തിന്റെ പര്യായമായ ഉർവശി, തന്റെ കരിയറിനെക്കുറിച്ചും സിനിമയിലെ ചില അലിഖിത നിയമങ്ങളെക്കുറിച്ചും നടത്തിയ തുറന്നുപറച്ചിലുകൾ സോഷ്യൽ മീഡിയയിൽ തരംഗമാകുന്നു. മലയാളത്തിന്റെ ഭാഗ്യനായികയായി തിളങ്ങിനിന്ന കാലത്ത്, പെട്ടെന്നൊരു ദിവസം തമിഴിലേക്ക് ചുവടുമാറ്റാനുണ്ടായ യഥാർത്ഥ കാരണം വെളിപ്പെടുത്തിയിരിക്കുകയാണ് താരം.

“സിനിമയിലെ ചില നായകന്മാരുടെ ഈഗോയായിരുന്നു അത്, ഞാനത് ബ്രേക്ക് ചെയ്തു,” എന്ന ഉർവശിയുടെ ബോൾഡ് പ്രസ്താവന സിനിമാ ലോകത്ത് വലിയ ചർച്ചകൾക്കാണ് വഴിതുറന്നിരിക്കുന്നത്. മലയാളത്തിൽ ഒരേപോലെയുള്ള കഥാപാത്രങ്ങൾ ആവർത്തിക്കപ്പെടുന്നതിലെ മടുപ്പും, നായക കേന്ദ്രീകൃതമായ സിനിമകളിലെ ചില തന്ത്രങ്ങളും താൻ എങ്ങനെ മറികടന്നുവെന്ന് താരം ഒരു ചാനലിന് നൽകിയ അഭിമുഖത്തിൽ വ്യക്തമാക്കുന്നു.

ALSO READ : വിവാഹ കാര്യത്തിൽ കടുത്ത നിലപാട് മയപ്പെടുത്തി സായ് പല്ലവി; “നടക്കുന്നുണ്ടെങ്കിൽ നടക്കട്ടെ” എന്ന് താരം!

മലയാളം കീഴടക്കിയ ആ സുവർണ്ണ കാലം 1985 മുതൽ 95 വരെയുള്ള പത്ത് വർഷം മലയാള സിനിമയിൽ ഉർവശിയുടെ തേരോട്ടമായിരുന്നു. “ആ കാലത്ത് ഞാൻ എത്ര സിനിമകളിൽ അഭിനയിച്ചു എന്ന് എനിക്ക് പോലും അറിയില്ല” എന്ന് താരം പറയുന്നു. എല്ലാ പ്രമുഖ സംവിധായകരുടെയും സിനിമകളിൽ നായികയായിരുന്ന ഉർവശിക്ക്, അന്ന് മലയാളത്തിലെ തിരക്ക് കാരണം തമിഴിലോ മറ്റ് ഭാഷകളിലോ ശ്രദ്ധിക്കാൻ കഴിഞ്ഞിരുന്നില്ല. കമൽഹാസന്റെ പ്രൊഡക്ഷനിൽ വന്ന ചില ചിത്രങ്ങൾ മാത്രമാണ് ഇതിനൊരു അപവാദമായിട്ടുള്ളത്.

മകൾ ജനിച്ചതോടെ ചെന്നൈയിലേക്ക് താമസം മാറ്റിയ താരം 2005-ൽ ‘അച്ചുവിന്റെ അമ്മ’യിലൂടെ ഗംഭീര തിരിച്ചുവരവ് നടത്തി. ‘സകുടുംബം ശ്യാമള’, ‘മമ്മി ആന്റ് മി’ എന്നീ സിനിമകൾ ഉർവശി എന്ന നടിയുടെ ഹാസ്യപാടവം വീണ്ടും തെളിയിച്ചു. ചെറിയ ഇടവേളകൾക്ക് ശേഷം ‘ഉള്ളൊഴുക്ക്’ എന്ന ചിത്രത്തിലൂടെ വീണ്ടും മലയാളികളെ വിസ്മയിപ്പിക്കുകയാണ് താരം.