മമ്മൂട്ടിയും ധനുഷും കൈകോർക്കുന്നു: ‘ബിഗ് എം ഒരു കഥ തെരഞ്ഞെടുത്താൽ അത് ചരിത്രമാകും’; ആവേശത്തിൽ ആരാധകർ

വർഷങ്ങൾക്ക് ശേഷം മലയാളത്തിന്റെ മഹാനടൻ മമ്മൂട്ടിയും തമിഴകത്തിന്റെ പ്രിയതാരം ധനുഷും വീണ്ടും ഒന്നിക്കുന്ന ചിത്രം അണിയറയിൽ ഒരുങ്ങുകയാണ്. ‘D55’ എന്ന് താത്കാലികമായി പേരിട്ടിരിക്കുന്ന ഈ തമിഴ് ചിത്രത്തിന്റെ രചനയും സംവിധാനവും നിർവഹിക്കുന്നത് രാജ്കുമാർ പെരിയസ്വാമിയാണ്. ധനുഷിനൊപ്പം മമ്മൂട്ടിയും കൈകോർക്കുമ്പോൾ ആരാധകരുടെ ആവേശവും ഇരട്ടിയായി മാറിയിരിക്കുകയാണ്.

2013-ൽ പുറത്തിറങ്ങിയ ‘കമ്മത്ത് & കമ്മത്ത്’ എന്ന ചിത്രത്തിൽ ധനുഷ് അതിഥി വേഷത്തിൽ എത്തിയിരുന്നു. ഈ സിനിമയിലെ ഇരുവരും ഒന്നിച്ചുള്ള രസകരമായ നിമിഷം ആരാധകർ ഇന്നും ആഘോഷമാക്കുന്നുണ്ട്. ഇപ്പോഴിതാ നീണ്ട 13 വർഷങ്ങൾക്ക് ശേഷം മുഴുനീള വേഷങ്ങളിൽ ഇരുവരും ഒന്നിക്കുകയാണ്. സിനിമ തിയേറ്ററു,കളിൽ എത്താനുള്ള കാത്തിരിപ്പിലാണ് ആരാധകർ. ധനുഷ് നായകനാകുന്ന 55-ാമത്തെ ചിത്രം കൂടിയാണിത്.

View this post on Instagram

A post shared by Dhanush Team (@dhanushteam.ig)

സിനിമയുടെ ഭാ​ഗമാകാൻ കഴിഞ്ഞതിലെ സന്തോഷം മമ്മൂട്ടി തന്നെ സമൂഹ മാധ്യമങ്ങളിലൂടെ പങ്കുവെച്ചിരുന്നു. ‘ധനുഷിനും രാജ്കുമാർ പെരിയസ്വാമിക്കും ഒപ്പമുള്ള ഈ യാത്രയുടെ ഭാഗമാകാൻ കഴിഞ്ഞതിൽ സന്തോഷവും ആവേശവും തോന്നുന്നു’ എന്നാണ് അദ്ദേഹം എഴുതിയത്. തമിഴിലേക്കുള്ള മമ്മൂട്ടിയുടെ മടങ്ങിവരവും സിനിമാലോകം ആകാംക്ഷാപൂർവമാണ് ഉറ്റുനോക്കുന്നത്. ഏഴ് വർഷം മുമ്പ്, പുറത്തിറങ്ങിയ ‘പേരൻപ്’ ആയിരുന്നു അദ്ദേഹത്തിന്റെ അവസാന തമിഴ് ചിത്രം. ഏറെ പ്രേക്ഷക – നിരൂപക പ്രശംസയേറ്റുവാങ്ങിയ ചിത്രമായിരുന്നു ഇത്.

An absolute honour sir 🙏 https://t.co/t2Hk4WTmBQ

— Dhanush (@dhanushkraja) February 4, 2026

മമ്മൂക്കയ്ക്കൊപ്പം അഭിനയിക്കാൻ കഴിയുന്നത് തന്നെ ഒരു ബഹുമതിയാണ് എന്നായിരുന്നു ധനുഷിന്റെ പ്രതികരണം. മമ്മൂട്ടിയെ ചിത്രത്തിലേക്ക് സ്വാഗതം ചെയ്തുകൊണ്ട് രാജ്കുമാർ പെരിയസാമിയും ദീർഘവും ഹൃദയംഗമവുമായ കുറിപ്പ് പോസ്റ്റ് ചെയ്തിരുന്നു. പ്രിയപ്പെട്ട മമ്മൂക്ക ‘യെസ്’ പറഞ്ഞ ദിവസം തന്നെ ഈ സിനിമയ്ക്ക് ദിവ്യത്വം ലഭിച്ചുവെന്ന് എനിക്കറിയാമായിരുന്നു എന്നാണ് അദ്ദേഹം കുറിച്ചത്.

ALSO READ: കളരിയെക്കുറിച്ച് പൃഥ്വിരാജ് പറയുമെന്ന് മഹേഷ് ബാബു; ‘കോട്ടയം കണക്ഷൻ’ പറഞ്ഞ് ഞെട്ടിച്ച് പ്രിയങ്ക ചോപ്ര

തന്റെ സിനിമയിലേക്ക് മമ്മൂട്ടിയെ സ്വാഗതം ചെയ്യുന്നതിൽ ബഹുമാനവും ആഹ്ലാദവുമുണ്ടെന്നും സംവിധായകൻ കുറിച്ചു. “ബിഗ് എം ഒരു കഥ തെരഞ്ഞെടുക്കുമ്പോൾ, അത് ചരിത്രമാകും എന്നാണ് പ്രൊഡക്ഷൻ ഹൗസിന്റെ പ്രതികരണം. വൻ താരനിര തന്നെ അണിനിരക്കുന്ന ഈ ചിത്രത്തിൽ ധനുഷിനും മമ്മൂട്ടിക്കും ഒപ്പം സായ് പല്ലവിയും ശ്രീലീലയും പ്രധാന വേഷങ്ങളിൽ എത്തുന്നു. ‘ഡ്യൂഡ്’ എന്ന ചിത്രത്തിലൂടെ പ്രേക്ഷകരെ ആകർഷിച്ച സായ് അഭ്യാങ്കറാണ് സംഗീതം ഒരുക്കുന്നത്.