തിയേറ്ററിലെ തരം​ഗത്തിന് ശേഷം ക്രിസ്മസ് ആഘോഷമാക്കാൻ എക്കോ ഓടിടിയിലെത്തുന്നു

തിയേറ്ററുകളിൽ മികച്ച വിജയം കൈവരിച്ച മിസ്റ്ററി ത്രില്ലർ ചിത്രമായ എക്കോ ഓടിടി റിലീസ് ചെയ്യുന്നു. ദിൻജിത്ത് അയ്യത്താൻ സംവിധാനം ചെയ്ത് ബാഹുൽ രമേശ് രചനയും ഛായാഗ്രഹണവും നിർവഹിച്ചിരിക്കുന്ന ചിത്രം 2025 നവംബർ 21 നാണ് റിലീസ് ചെയ്തത്. ഡിസംബർ 31ന് ചിത്രം നെറ്റ്ഫ്ലിക്സിൽ സ്ട്രീമിങ് ആരംഭിക്കും.

മലയാളം, ഹിന്ദി, തമിഴ്, തെലുങ്ക്, കന്നഡ ഭാഷകളിൽ ചിത്രം ലഭ്യമാകും. പുതുവത്സരം ആഘോഷമാക്കാൻ ചിത്രം സ്ട്രീം ചെയ്യുന്ന വിവരം നെറ്റ്ഫ്ലികസ് സോഷ്യൽ മീഡിയ അക്കൗണ്ടുകളിലൂടെയാണ് അറിയിച്ചത്.

Also Read: ഫ്രണ്ട്‌സും ബിഗ് ബാങ് തിയറിയും നെറ്റ്‌ഫ്ലിക്‌സിൽ നിന്ന് പടിയിറങ്ങുന്നു; ലിസ്റ്റിലെ മറ്റു ചിത്രങ്ങൾ ഇതാ

Chila sathyangal ethra shramichaalum kandethanaakilla pic.twitter.com/9KcZSb43Wp

— Netflix India South (@Netflix_INSouth) December 26, 2025

സന്ദീപ് പ്രദീപ്, വിനീത്, നരേൻ, ബിനു പപ്പു, അശോകൻ, ബിയാന മോമിൻ, സിം ഷി ഫീ, എൻ ജി ഹംഗ് ഷെൻ, രഞ്ജിത്ത് ശേഖർ, സഹീർ മുഹമ്മദ് ശേഖർ തുടങ്ങിയവരാണ് ചിത്രത്തിലെ അഭിനേതാക്കൾ. ബാഹുൽ രമേശിന്റെ ആനിമൽ ട്രൈയോളജിയിലെ അവസാന ചിത്രം കൂടിയാണ് എക്കോ.