ഉദയനിധി സ്റ്റാലിൻ്റെ മകനും സിനിമയിലേക്ക്…; മാരി സെൽവരാജ് സിനിമയിലൂടെ അരങ്ങേറ്റം

തമിഴ്നാട് ഉപമുഖ്യമന്ത്രിയും നടനും നിർമ്മാതാവുമായ ഉദയനിധി സ്റ്റാലിൻ്റെ മകൻ ഇൻപനിധി ഉദയനിധി സ്റ്റാലിൻ സിനിമയിലേക്കെത്തുന്നു.

പ്രമുഖ സംവിധായകൻ മാരി സെൽവരാജ് ചിത്രത്തിലൂടെയാണ് ഇൻപനിധി സിനിമയിൽ അരങ്ങേറുന്നത്. ഇതോടെ തമിഴ് സിനിമ ലോകത്തെ പ്രധാന ശ്രദ്ധകേന്ദ്രമായിരിക്കുകയാണ് ഇൻപനിധി . അടുത്തിടെ നാടകാഭിനയ ശിൽപ്പശാലകളിൽ ഇൻപനിധി പങ്കെടുക്കുന്നതിൻ്റെ വീഡിയോകൾ സോഷ്യൽ മീഡിയയിൽ വൈറലായിരുന്നു.

ALSO READ: മമ്മൂക്ക ദുബായില്‍ ! പാട്രിയറ്റിന്റെ അടുത്ത ഷെഡ്യൂളില്‍ ജോയിന്‍ ചെയ്യാന്‍ ഇംഗ്ലണ്ടിലേക്ക്

സിനിമയിലേക്ക് മാത്രമല്ല രാഷ്ട്രീയത്തിലും ബിസിനസിലും സജീവ സാന്നിധ്യമാകുകയാണ് ഇൻപനിധി ഇപ്പോൾ. ഡി.എം.കെ.യുടെ സമ്മേളനങ്ങളിലും സർക്കാരിൻ്റെ പ്രധാന പരിപാടികളിലും ഇപ്പോൾ സജീവമായി അദ്ദേഹം പങ്കെടുക്കുന്നുണ്ട്.

ALSO READ: ബോക്‌സ് ഓഫീസ് കത്തിച്ച് റിഷഭിൻ്റെ കാന്താര ചാപ്റ്റർ വണ്‍: കളക്ഷൻ എത്രയെന്നറിയാം…

ഈയിടെയാണ് റെഡ് ജയന്റ് മൂവീസ് കമ്പനിയുടെ സി.ഇ.ഒ ആയി ഈ 21-കാരൻ ചുമതലയേറ്റത്. ഉദയനിധി സ്റ്റാലിൻ 2008-ൽ ആരംഭിച്ച നിർമ്മാണ-വിതരണ കമ്പനിയാണ് റെഡ് ജയന്റ് മൂവീസ്. അതേസമയം കലൈഞ്ജർ ടി.വി മാനേജ്‌മെന്റിലും ഇൻപനിധി അംഗമാണ്. തമിഴകത്തെ സിനിമ രാഷ്ട്രീയ രംഗത്ത് ചൂടേറിയ ചർച്ചകളാണ് ഈ പുത്തൻ താരോദയത്തെ കുറിച്ച് ഉയരുന്നത്.