നിവിൻ പോളിയുടെ ഏറ്റവും പുതിയ ചിത്രമായ സർവം മായയുടെ ആദ്യ ഷോകൾ കഴിയുമ്പോൾ പുറത്ത് വരുന്നത് മികച്ച അഭിപ്രായങ്ങളാണ്. സിനിമ പ്രേമികൾക്ക് ഏറെ പ്രതീക്ഷയുള്ള നിവിൻ പോളി അജു വർഗീസ് കോമ്പോ ചിത്രത്തിലുണ്ട്. പാച്ചുവും അത്ഭുതവിളക്കും’ എന്ന സിനിമയെടുത്ത് ശ്രദ്ധേയനായ അഖിൽ സത്യനാണ് സർവം മായയുടെ സംവിധായകൻ.
ഫീൽ ഗുഡ് കോമഡി സിനിമയാണ് ഇതെന്നാണ് കൂടുതൽ പ്രേക്ഷകരുടേയും പ്രതികരണം. മികച്ച കോമഡികളും ഇമോഷണലി കണക്ട് ചെയ്യാവുന്ന സംഭവങ്ങളും കൊണ്ട് സിനിമ പ്രേക്ഷകരെ പിടിച്ചിരുത്തുന്നതാണെന്നും സിനിമ കണ്ടിറങ്ങിയവർ പറയുന്നു. മികച്ച ഇന്റർവെൽ ബ്ലോക്കും സിനിമയ്ക്കുണ്ട്. എല്ലാം കൊണ്ടും പഴയ നിവിൻ പോളിയെ വീണ്ടും സ്ക്രീനിൽ കാണാൻ കഴിഞ്ഞെന്നാണ് അഭിപ്രായം.
നിവിനും അജുവർഗീസും ഒന്നിക്കുന്ന പത്താമത്തെ സിനിമയാണിതെന്ന പ്രത്യേകതയുമുണ്ട്. ക്രിസ്തുമസ് ദിനത്തിൽ പുറത്തിറങ്ങിയ ചിത്രം നല്ലൊരു ഫാമിലി എൻ്റർടെയിനർ കൂടിയാമണെന്നും അഭിപ്രായമുണ്ട്. ഹൊറര് കോമഡി ഫാന്റസി വിഭാഗത്തിൽ പെടുന്ന ചിത്രം നിർമ്മിച്ചിരിക്കുന്നത് ഫയര്ഫ്ലൈ ഫിലിംസാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
