ഇതിഹാസങ്ങള്‍ ഒന്നിക്കുന്ന ‘പാട്രിയറ്റി’ൻ്റെ സെക്കൻ്റ് ലുക്ക് പോസ്റ്റർ റിലീസ് തീയതി പുറത്ത്; എപ്പോള്‍ കാണാം…

മോഹൻലാലും മമ്മൂട്ടിയും ഒന്നിക്കുന്ന പാട്രിയറ്റിൻ്റെ സെക്കൻ്റ് ലുക്ക് പോസ്റ്ററിൻ്റെ റിലീസ് തീയതി പുറത്ത്. മമ്മൂട്ടിയും മോഹൻലാലും തങ്ങളുടെ സമൂഹമാധ്യമങ്ങളിലൂടെയാണ് റിലീസ് തീയതി പുറത്തു വിട്ടത്.

നാളെ (26.02.2026) വൈകുന്നേരം 5:00 ന് പുറത്തിറങ്ങുമെന്ന് സമൂഹമാധ്യമത്തിലൂടെ ഇരുവരും പങ്കുവെച്ചു. മഹേഷ് നാരായണനാണ് ചിത്രം സംവിധാനം ചെയ്യുന്നത്. വമ്പൻ താരനിര അണിനിരക്കുന്ന ചിത്രത്തില്‍ ഫഹദ് ഫാസിൽ, നയൻതാര, കുഞ്ചാക്കോ ബോബൻ, ദർശന രാജേന്ദ്രൻ, രേവതി എന്നിവരെത്തും. ഫെബ്രുവരിയിൽ നിർമ്മാതാക്കൾ ഒരു ചിത്രത്തിൻ്റെ പിന്നാമ്പുറ വീഡിയോ പുറത്തുവിട്ടിരുന്നു. ചിത്രത്തിൻ്റെ ബിടിഎസ് വൻ വൈറലായിരുന്നു. ശ്രീലങ്കയിൽ ഷൂട്ടിംഗ് നടത്തുന്നതിനിടെ ചിത്രീകരിച്ച ക്ലിപ്പുകളാണ് പുറത്തുവന്നത്. മലയാള സിനിമയിലെ രണ്ട് ഇതിഹാസങ്ങൾ 18 വർഷങ്ങൾക്ക് ശേഷം ഒന്നിക്കുന്നു എന്നതും ഈ ചിത്രത്തിൻ്റെ പ്രത്യേകതയാണ്.

ALSO READ: 20 വർഷം ബൈപോളാറിനോട് പോരാടി; അവസാനം മരണം തെരഞ്ഞെടുത്ത് “റിവഞ്ച് ഓഫ് നേർഡ്സ്” ആക്ടർ

സിനിമാപ്രേമികൾ ഏറെ കാത്തിരിക്കുന്ന ‘പാട്രിയറ്റ്’ ഏപ്രിൽ 23ന് തിയറ്ററുകളിലെത്തും. വേനലവധി ലക്ഷ്യമിട്ട് പുറത്തിറങ്ങുന്ന ചിത്രത്തിൻ്റെ ക്യാരക്ടർ പോസ്റ്റർ നേരത്തെ വൻ ശ്രദ്ധ നേടിയിരുന്നു.