ഇന്ത്യയിലെ ഏറ്റവും ധനികനായ നടനെ അറിയാമോ? ബില്യൺ പട്ടികയിൽ ഇടം നേടുന്ന ആദ്യ ഇന്ത്യൻ നടനും ഇദ്ദേഹം തന്നെ; സ്ഥാനം നിലനിർത്തി ഷാരൂഖ് ഖാൻ

ഇന്ത്യയിലെ ഏറ്റവും ധനികനായ നടനെന്ന പട്ടികയിൽ സ്ഥാനം നിലനിർത്തി കിം​ഗ് ഖാൻ ഷാരൂഖ് ഖാൻ. ഹുറുണ്‍ ഇന്ത്യ റിച്ച് ലിസ്റ്റ് 2025 പ്രകാരമാണ് ഈ വർഷത്തെ ഏറ്റവും ധനികനായ നടനായി ഷാരൂഖ് മാറിയത്. ഇതോടെ ഈ വർഷം ബില്യണെയർ ക്ലബിലും നടൻ ഇടം പിടിച്ചു. ഷാരൂഖിന്റെ ആകെ ആസ്തി 1.4 ബില്യണ്‍ ഡോളറാണ്, അതായത് 12,490 കോടി രൂപ. ഇന്ത്യയിൽ നിന്നും ബില്യണെയർ പട്ടികയിൽ ഇടം പിടിക്കുന്ന ആദ്യ നടൻ കൂടിയാണ് ഇദ്ദേഹം.

ഇതിൽ ഏറ്റവും വലിയ പ്രത്യേകതയെന്തെന്നാൽ ഈ വർഷം താരത്തിൻ്റേതായ സിനിമകൾ ഒന്നും തന്നെ തീയേറ്ററുകളിൽ വന്നില്ലെന്നതാണ്. 2025 ൽ സിനിമകൾ റിലീസ് ചെയ്യാതെ തന്നെ താരം പട്ടികയിൽ ഇടം പിടിച്ചതിൻ്റെ അത്ഭുതത്തിലാണ് ആരാധകരും.

Also read; രൺബീറിനെ തകർത്ത് രൺവീർ: ‘അനിമലി’ന്‍റെ ബോക്സ് ഓഫീസ് കളക്ഷൻ തകർത്ത് ടോപ് 10-ൽ ഇടംപിടിച്ച് ‘ധുരന്ധർ’

താരത്തിന് റെഡ് ചില്ലീസ് എന്റര്‍ടൈന്‍മെന്റ് എന്ന പ്രൊഡക്ഷന്‍ ഹൗസ് കൂടിയുണ്ട്. ഇതിന് പുറമ ഐപിഎൽ ടീമായ കൊൽക്കത്ത നൈറ്റ് റൈഡേഴ്‌സിലെ നിക്ഷേപങ്ങളും സമ്പത്തിന് കാരണമാണ്.