എപ്പോഴും സോഷ്യൽ മീഡിയയിൽ വൈറലായി മാറാറുള്ള ഒന്നാണ് എഐ വീഡിയോകൾ. പല വിഡിയോകളും കണ്ടു നമ്മയുടെ കണ്ണ് തള്ളാറുണ്ട്. അത്തരത്തിൽ നമ്മളെ ഞെട്ടിക്കുന്ന ഒരു വീഡിയോ ആണ് സോഷ്യൽ മീഡിയയിൽ ഇപ്പോൾ തരംഗമായി മാറുന്നത്. മലയാള സിനിമയിലെ പ്രിയ താരങ്ങളെ സൂപ്പർ ഹീറോകളായി അവതരിപ്പിക്കുന്ന വിസ്മയിപ്പിക്കുന്ന എഐ വീഡിയോ ആണിത്.
ഹോളിവുഡ് സൂപ്പർഹീറോ പരിവേഷത്തിൽ താരങ്ങളെത്തുന്ന വീഡിയോകൾക്ക് പിന്നാലെ, ഇപ്പോൾ ഇന്റർനെറ്റിൽ കൈയ്യടി നേടുന്നത് ഭീമാകാരനായ ഒരു വില്ലനെ നേരിടാൻ സൂപ്പർഹീറോകളെ വിളിക്കുന്നതും ഒടുവിൽ വില്ലനെ കീഴടക്കാൻ ജമ്പനും തുമ്പനും എത്തുന്നതുമായ രസകരമായ ഒരു ആവിഷ്കാരമാണ്.
ഈ വീഡിയോയിൽ ബേസിൽ ജോസഫിനെ വില്ലൻ വേഷത്തിലും അജു വർഗീസിനെ ജമ്പനായുമാണ് ചിത്രീകരിച്ചിരിക്കുന്നത്. മലയാള താരങ്ങൾക്കൊപ്പം ആഗോള പ്രശസ്തരായ ക്രിസ്റ്റ്യാനോ റൊണാൾഡോ, ലയണൽ മെസി, ടോം ക്രൂസ് എന്നിവരും അതിഥി വേഷങ്ങളിൽ ഈ വീഡിയോയിൽ പ്രത്യക്ഷപ്പെടുന്നുണ്ട്.
ALSO READ: തിരക്കേറിയ തീവണ്ടിയിൽ കച്ചവടക്കാരെ പറ്റിച്ച് ഭക്ഷണം മോഷണം; വീഡിയോ വൈറൽ, വ്യാപക പ്രതിഷേധം
“ihafix” എന്ന ഇൻസ്റ്റാഗ്രാം അക്കൗണ്ടിലൂടെ പുറത്തു വന്ന ഈ വീഡിയോ നിമിഷനേരം കൊണ്ടാണ് വൈറലായത്. അജു വർഗീസ് ഉൾപ്പെടെയുള്ള പ്രമുഖർ വീഡിയോയ്ക്ക് താഴെ കമന്റുകളുമായി എത്തിയിട്ടുണ്ട്. “ഷാജി പാപ്പാനെ വരെ പഴത്തൊലി ഇട്ടു വീഴ്ത്തിയ ആളാണ് അജു അണ്ണൻ, അപ്പോഴാണ് ബേസിൽ”, “മെസിക്ക് സ്പോർട്സ് ക്വാട്ടയിലൂടെ കിട്ടിയ ജോലിയാകും ഇത്” എന്നിങ്ങനെ തികച്ചും രസകരമായ പ്രതികരണങ്ങളാണ് ആരാധകരിൽ നിന്നും ലഭിക്കുന്നത്.
നിർമ്മിത ബുദ്ധി ദിനംപ്രതി അത്ഭുതങ്ങൾ സൃഷ്ടിക്കുമ്പോൾ, മലയാള സിനിമാ ലോകത്തെ ഇത്തരം രസകരമായ പരീക്ഷണങ്ങൾ പ്രേക്ഷകർ ഇരുകൈയ്യും നീട്ടിയാണ് സ്വീകരിക്കുന്നത്. ഇതിന് മുൻപും പല വീഡിയോകളും ഇത്തരത്തിൽ വൈറലായി മാറിയിട്ടുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
